1 Samuel 2:28 - Maung A Balita Biblia

²⁸ Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

Maung a Balita Biblia

²⁸ Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

1 Samuel 2:28 Iomraidhean Croise

2 Samuel 12:7

“Sika man a too,” inkuanen Natan ed kinen David. “Onyay kuan na Katawan a Dios na Israel: ‘Ginawa ta kan ari na Israel tan inyagel ta kad kinen Saul.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 28:4

Ibagam ed sikara a manggawa ray sakey ya apis na pagew, sakey ya ipod, sakey ya andokey a kawes, sakey a binordaan a kawes ya antikey so taklay to, sakey a turban, tan sakey ya abel a balabal. Nepeg dan gawaen ira yan kawes na pari a para si agim ya Aaron tan saray lalakin anak to, ta sikaray manlingkur a papari ed siak.

Exodo 30:7

Kapag kabwasan no iparaan nen Aaron iray lamparaan, sikatoy nepeg a mamool na ambalingit ya insinso ed tapew na altar.

Exodo 30:8

Onya met so gawaen to no selselan to ray lamparaan no labi. Sayan bagat na insinso et mansiansia lawas ya anggan kapigan.

Levitico 2:10

Kayaryan na saray papari so soluk ed sayan bagat; masanto yan tuloy, ta inala ed kakanen ya imbagat ed Katawan.

Levitico 2:3

Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 7:32

Say kawanan a kamanonur ya ulpo na samay ayep et niiter

Levitico 7:36

Diad saman ya agew say Katawan ingganggan to ray totood Israel ya iter dad sikara so sayan parti na bagat. Sikato yay sakey a totontonen a nepeg ya onuren na saray totood Israel kapigan man a panaon.

Saray Bilang 16:5

Insan inkuantod kinen Core tan saramay kagampi to, “Nabwas na kabwasan say Katawan ipanengneng tod sikatayo no siopa ray kayaryan to; abuloyan to so siopaman a kayaryan to, salanti say pinili to, ya onsingger ed sikato ed altar.

Saray Bilang 18:19

“Iter kod sika, tan saray anak mon lalaki tan bibii iray amin a nidoma-doman bagat ya insaklang ed siak na saray Israelita; kayaryan yo ra ya anggad angga. Ag naderal yan impisipanan kod sika tan saray kabyangay boleg mo.”

1 Samuel 14:3

(Say parin akasolung na ipod et si Ahias, say lakin anak na agi nen Icabod a si Ahitob, a lakin anak nen Finees tan apo nen Eli a pari na Katawan diad Silo.) Anggapoy makaamta a tinmaynan si Jonatan.

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.