1 Samuel 2:26 - Maung A Balita Biblia

²⁶ Binmaleg si ogaw a Samuel, tan binmaleg met so panangaroy Katawan tan saray totoo ed sikato.

Maung a Balita Biblia

²⁶ Binmaleg si ogaw a Samuel, tan binmaleg met so panangaroy Katawan tan saray totoo ed sikato.

1 Samuel 2:26 Iomraidhean Croise

Genesis 39:4

Makaliliket ed sikato si Potifar, kanyan ginawa to a dilin aripen to. Impasen ton inkargado na abung to tan amin a kayaryan to.

Probirbio 3:3

Ag mo ikakaindan so katotoluk tan say inkatoor. Isinger mo rad beklew mo tan isulat mo rad pusom.

Probirbio 3:4

No gawaen mo ya, magmaliw kan maung tan makapaliket ed Dios tan too.

Lucas 1:80

Binmaleg imay ogaw tan binmiskeg so ispiritu to. Nanayam ed kalawakan ya anggad insabiy agew a pangiparontal toy sikaton dili ed saray totood Israel.

Lucas 2:40

Binmaleg imay ogaw tan nagmaliw a mabiskeg, napnoy kakabatan, tan inararoy Dios.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

Saray Gawgawa 2:47

Indadayew day Dios tan labalabay iray amin a totoo. Inagew-agew, saray totoon nilaban inyaarum na Katawan ed grupo ra.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Huis 13:24

Nananak imay bii na sakey a laki tan inngaran to na Samson. Binmaleg imay ogaw tan binindisionan na Katawan.

1 Samuel 2:21

Binindisionan a tua na Katawan si Ana, tan akaanak ni na taloran lalaki tan duaran bibii. Binmaleg a manlilingkur ed Katawan si ogaw a Samuel.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.