1 Samuel 2:18 - Maung A Balita Biblia

¹⁸ Si ogaw a Samuel intuloy toy nanlingkur ed Katawan, tan akasolung na ipod a linen.

Maung a Balita Biblia

¹⁸ Si ogaw a Samuel intuloy toy nanlingkur ed Katawan, tan akasolung na ipod a linen.

1 Samuel 2:18 Iomraidhean Croise

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

1 Saray Awaran 15:27

Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.

Exodo 28:4

Ibagam ed sikara a manggawa ray sakey ya apis na pagew, sakey ya ipod, sakey ya andokey a kawes, sakey a binordaan a kawes ya antikey so taklay to, sakey a turban, tan sakey ya abel a balabal. Nepeg dan gawaen ira yan kawes na pari a para si agim ya Aaron tan saray lalakin anak to, ta sikaray manlingkur a papari ed siak.

Levitico 8:7

Kayari to ya, insolung tod kinen Aaron so kawes ya antikey so taklay tan say tunika insan to binalkesay abel so awak nen Aaron. Insolung tod sikato so ipod tan tinapewan tod awak na balibalin inabel a balkes.

1 Samuel 14:3

(Say parin akasolung na ipod et si Ahias, say lakin anak na agi nen Icabod a si Ahitob, a lakin anak nen Finees tan apo nen Eli a pari na Katawan diad Silo.) Anggapoy makaamta a tinmaynan si Jonatan.

1 Samuel 2:11

Insan sinmempet ed Rama si Elcana, balet nanayam ed Silo si ogaw a Samuel tan nanlingkur ed Katawan diad silong na panangiwanwan nen Eli a pari.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

1 Samuel 22:18

Kanyan inkuanen Saul ed kinen Doeg, “Patey mo ra!”—kanyan pinatey nen Doeg iran amin. Diad saman ya agew walomplo tan liman papari na Katawan so pinatey to; mansosolung na ipod ira yan papari.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.