1 Samuel 19:17 - Maung A Balita Biblia

¹⁷ Tinepet nen Saul ed kinen Micol, “Akin et pinalikdo mo ak diad impamabatik mod kalaban ko?” Inmebat si Micol, “Imbaga tod siak a pateyen to ak no ag ko tulongan ya ombatik.”

Maung a Balita Biblia

¹⁷ Tinepet nen Saul ed kinen Micol, Akin et pinalikdo mo ak diad impamabatik mod kalaban ko? Inmebat si Micol, Imbaga tod siak a pateyen to ak no ag ko tulongan ya ombatik.

1 Samuel 19:17 Iomraidhean Croise

2 Samuel 17:20

Sinmabi ray opisyal nen Absalom ed samay abung tan tinepet dad samay bii, “Kawalaan di Ahimaaz tan Jonatan?” “Binaliw day ilog,” ebat to. Inanap da ra balet ag da ra narumog, kanyan amawil la rad Jerusalem.

2 Samuel 2:22

Inkuan lamet nen Abner, “Tondaan mo ak lan osilan! Akin et papatey kad siak? Panoy piarapan kod agim a si Joab?”

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

1 Samuel 19:14

Nen alaen na saray totoo nen Saul si David, imbaga nen Micol ed sikara a mansasakit.

1 Samuel 19:16

Linmoob ira tan arumog dad katri so talintaoy dios a para abung, tan say danganan a bagoy karniro ed olowan to.

1 Samuel 22:17

Insan inkuantod saray guardian manalalagey ed abay to, “Patey yo ray papari na Katawan! Akikomplut irad kinen David tan ag da imbagad siak a batik, anggaman ya amta ra.” Balet anggapod saramay guardia so angigalaw na lima ton mamatey ed saray papariy Katawan.

1 Samuel 28:12

Nen anengneng na samay bii si Samuel, inmeyag tan kuantod kinen Saul, “Akin et pinalikdo mo ak? Si Ari Saul ka!”