1 Samuel 18:8 - Maung A Balita Biblia

⁸ Ag ya labay nen Saul, tan pinmetang so olo to. Inkuanto, “Ibabaga ran asamplon liboy pinatey nen David, balet nilibo labat ed siak. Anggapo lay nagawan onsoblay no ag say panari to!”

Maung a Balita Biblia

⁸ Ag ya labay nen Saul, tan pinmetang so olo to. Inkuanto, Ibabaga ran asamplon liboy pinatey nen David, balet nilibo labat ed siak. Anggapo lay nagawan onsoblay no ag say panari to!

1 Samuel 18:8 Iomraidhean Croise

Genesis 37:11

Mangimon iray agagi nen Jose ed sikato, balet ninudnunot ira ya nen ama to.

Genesis 37:8

“Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

1 Saray Arari 2:22

“Akin et kekerewen yon iter kod sikatoy Abisag?” tepet na ari. “Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!”

Ester 3:5

Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Probirbio 27:4

Maruksa tan makaderal so pasnuk, balet ag nayarin ipara ed imon.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 22:34

Inmebat si Balaam, “Nankasalanan ak. Ag ko amta a manalalagey kad dalan a mamaat ed siak; balet natan no isisipen mon makapoy ya ituloy koy mila, ompawil ak la.”

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

1 Samuel 13:14

Balet natan ag la mansiansia so panoley mo. Lapud ag mo inonur so Katawan, mananap la na lakin labay to tan panoleyen tod saray totoo to.”

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

1 Samuel 18:9

Nanlapud saman ya agew, angimon ed kinen David.

1 Samuel 19:1

Imbaga nen Saul ed kinen anak ton Jonatan tan saray amin ya opisyal to a getma ton pateyen si David. Balet inararo nen Jonatan si David,

1 Samuel 20:31

Ag mo ta amtan no mabilay si David et ag kan balut magmaliw ya ari ed sayan bansa? Laka, ta awit mo dia—nepeg ya ompatey!”