1 Samuel 18:30 - Maung A Balita Biblia

³⁰ Kapag onsabin mibakal iray Filisteo, maaligwas nin mibakal si David nen saray arum ya opisyal nen Saul. Lapud saya, lalon binmantug si David.

Maung a Balita Biblia

³⁰ Kapag onsabin mibakal iray Filisteo, maaligwas nin mibakal si David nen saray arum ya opisyal nen Saul. Lapud saya, lalon binmantug si David.

1 Samuel 18:30 Iomraidhean Croise

2 Samuel 11:1

Diad ontombuk a tiagew, say panaon ya ipapaway da ray ararin mibakal, imbaki nen David a mibakal si Joab, saray opisyal to, tan saray sondaloy Israel; tinalo da ray Ammonita tan nilooban day siudad na Rabba. Balet nanayam ed Jerusalem si David.

2 Samuel 7:9

Kaiba ta ka ed anggan iner a nilam, tan tinalok iray kalaban mo diad indogpam. Gawaen ta kan matalonggaring a singa saray sankatalonggaringan a pangulod intiron mundo.

2 Saray Arari 1:13

Angibaki ni lamet na sakey ya opisyal tan limamplon lalaki. Linmad pokdul imay opisyal, tinmalimukor ed arap nen Elias, tan akikasi, “Too na Dios, kasian mo ak pa tan saray totook. Kawananen mo pay bilay mi!

Saray Salmo 116:15

Agaylay sakit ed Katawan so ipatey na siopaman ed saray totoo to!

Saray Salmo 119:99

Maung niy pakatalus ko nen saray amin a managbangat ed siak, ta dadalepdepen ko ray bilibilin mo.

Probirbio 12:8

No makabat ka nadayew ka, balet no makulang-kulang ka nabalaw ka.

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

TAGA-EFESO 5:15

Kanyan api-apiger yoy panagbilay yo. Mambilay kin singa saray makabat, aliwan singa saray makulang-kulang.

1 Pedro 2:4

Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

1 Pedro 2:7

Mabmabli yan bato ed sikayo ran mananisia, balet diad saray aliwan mananisia nasumpal so walad Masanton Sulat: “Say baton impasen ya andi-kakanaan na saray karpintiro, nagmaliw lamlamang a sankakanaan a bato.”

1 Samuel 18:29

Kanyan lalon tinmakot ed kinen David tan kinabosul to legan ton nambilay.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

1 Samuel 19:8

Tinmerak lamet so bakal sumpad saray Filisteo. Dinogpaan ira nen David; amayamay iray apatey a Filisteo, kanyan kibatiktik iray arum.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

1 Samuel 26:21

Inmebat si Saul, “Makapoy so ginawak. Pawil ka la, David, ya anak ko! Ag ta ka lan balut pasakitan, ta ag mo ak pinatey ed sayan labi. Nakalan ak na kalakal! Maoges a tuloy so ginawak!”

1 Samuel 26:24

No antoy ginawak ed sika natan, ontan met komun so gawaen na Katawan ed siak, tan iyarawi to ak ed antokaman a gunigon!”