1 Samuel 18:17 - Maung A Balita Biblia

¹⁷ Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

Maung a Balita Biblia

¹⁷ Insan inkuanen Saul ed kinen David, Niay Merab, say anak kon sakapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan. (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 18:17 Iomraidhean Croise

2 Samuel 11:15

Insulat to: “Ipasen moy Urias ed arap na kawalaay pinasyan laban, insan kayo onsoner tan paolyan yon napatey.”

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

Saray Salmo 12:2

Mantitilaan la ray totoo; manlolokowan tan mampapalikdowan ira.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Probirbio 26:24

Say toon mansimpisimpitan isasanib tod saray makapalikdon salita to so pambosul to.

Probirbio 26:25

Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Probirbio 26:26

Anggaman ya ag to ipapatnag so pambosul to, nanengneng balet na balang sakey a too iray maoges a gagawaen to.

Saray Bilang 21:14

Sikato yay makasengeg a sasalitaen na Libron Saray Bakal na Katawan so “…baley na Waheb diad dalin na Sufa, tan saray patar; say Ilog na Arnon,

Saray Bilang 32:20

Inmebat si Moises, “No talagan gawaen yo so ibabaga yo, dia natan ed arap na Katawan, mamparaan kayon mibakal.

Saray Bilang 32:27

Balet, sikami, sipaparaan kamin mibakal diad panangipangulo na Katawan. Baliwen mi so Jordan ta mibakal kami, onung na imbagam.”

Saray Bilang 32:29

“No saray totoo di Gad tan Ruben et baliwen day Jordan ta mibakal ira diad panangipangulo na Katawan tan no diad pananulong da et adakep yo so dalin, iter yon kayaryan da so dalin na Galaad.

Deuteronomio 17:7

Saray tasi so ononan mangitupak na saray bato ed samay toon nankasalanan, insan ontombuk iray arum; diad onya napaandipat yo la yan kaogsan.

1 Samuel 14:49

Saray anak nen Saul et di Jonatan, Isui, tan Melkisua. Say pangulowan ya anak ton bii et si Merab, tan say yogtan et si Micol.

1 Samuel 17:25

“Nengneng yo!” inkuan na sakey tan sakey ed sikara. “Dengel yoy panasagyat to! Insipan nen Ari Saul ya itdan toy baleg a tumang so toon makapatey ed sikato; ipaasawa to nid sikato so anak ton marikit, tan ag to pambuisen iray kabyangay pamilya na ama to.”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:47

tan nanengneng na amin da ray wadya ya ag to nakaukolay ispada o pika diad pangyagel tod saray totoo to. Sikatoy mananalo ed bakal, tan ipasilong to kayod pakayari mi.”

1 Samuel 18:21

Inkuantod sikaton dili, “Iter kon asawaen nen David si Micol; agamilen kon mangalut ed sikato, pian napatey na saray Filisteo.”

1 Samuel 18:25

et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

1 Samuel 18:27

si David tan saray totoo to linma ran amatey na duan lasus a Filisteo. Inawit toy baog na kayaryan na balang sakey tan imbilang tod ari, pian magmaliw a manugang to. Kanyan apasootan si Saul ya impaasawa tod kinen David si anak ton Micol.

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 30:26

Nen pinmawil ed Siclag si David, impawitan to ray kakaaro to, saray panguloy Juda, na saray asamsam tan impaibaga to, “Niay panangarok ed sikayo; kabyangan ya na saray asamsam mid saray kalaban na Katawan.”