1 Samuel 18:14 - Maung A Balita Biblia

¹⁴ tan maaligwas ed amin a ginawa to, ta walad sikato so Katawan.

Maung a Balita Biblia

¹⁴ tan maaligwas ed amin a ginawa to, ta walad sikato so Katawan.

1 Samuel 18:14 Iomraidhean Croise

Genesis 39:23

Anggapo lay sakit na olo to may inkargadoy prisowan ed antokaman a nipiad kinen Jose, ta walay Katawan ed kinen Jose tan pinaaligwas tod amin a gagawaen to.

2 Samuel 5:10

Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

2 Saray Arari 18:7

Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

1 Saray Awaran 18:13

Nankampod nandoroman lugar na Edom iray sondalo to, kanyan nagmaliw a walad silong na pakaoley nen David iray tagad man. Impanatalo na Katawan si David ed anggan iner a pasen.

1 Saray Awaran 18:6

Insan nankampod Damasco iray sondalo to; saray tagad man et nagmaliw iran walad silong na pakaoley to, kanyan nambabayar iray buis ed sikato. Impanatalo na Dios si David ed anggan iner a pasen.

2 Saray Awaran 17:3

Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Saray Gawgawa 18:10

ta iibaan ta ka. Anggapoy maniwit ed sika, ta amayamay iray totook ed sayan siudad.”

Josue 6:27

Kaolup nen Josue so Katawan, kanyan nikayat ed intiron bansa so inkabantug to.

1 Samuel 10:7

No nagawa ra ya, gawam so antokaman a pagawad sika na Dios.

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 18:15

Naimano nen Saul so ontan lan iyaaligwas nen David tan lalon tinmakot ed sikato.

1 Samuel 19:8

Tinmerak lamet so bakal sumpad saray Filisteo. Dinogpaan ira nen David; amayamay iray apatey a Filisteo, kanyan kibatiktik iray arum.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.