1 Samuel 18:1 - Maung A Balita Biblia

¹ Asumpal a nantongtong si Saul tan si David, kayari to ya, si Jonatan a lakin anak nen Saul et naayat a maung ed kinen David tan inaro ton singa panangaro tod sikaton dili.

Maung a Balita Biblia

¹ Asumpal a nantongtong si Saul tan si David, kayari to ya, si Jonatan a lakin anak nen Saul et naayat a maung ed kinen David tan inaro ton singa panangaro tod sikaton dili.

1 Samuel 18:1 Iomraidhean Croise

Genesis 44:30

“Ompatey si ama mi no nanengneng ton ag ko kaibay ogaw diad ipawil mi. Singa nansoldungan so pait da. Diad kinamasiken da la, ipatey da yan ermen ya iter mid sikara.

2 Samuel 1:26

“Panermenan ta ka, agik a Jonatan; pinabpabli ta ka! Makapakelaw so panangarom ed siak, pinalabsanan toy anggan say panangaro na saray bibii.

1 Saray Awaran 12:17

Inabet ira nen David tan kuanto, “No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.”

Saray Salmo 86:11

Katawan, ibangat mo ak pad labay mon gawaen ko, et matoor ta kan onuren; ibangat mo ak pan manlingkur ed sika diad intiron pusok.

Probirbio 18:24

Wala ray totoon konkonwarin kaaro, balet saray arum a kaaro matoor ira nen saray dilin agagi.

Deuteronomio 13:6

“Nayarin anggan say agi yon laki, odino say anak yon laki, odino say anak yon bii odino say asawa yon bii ya inararo yo, odino say kaaro yon malmalet et maamut to kayon tanggoyuren a mangigalang ed arum a diriyos ya ag yo ni ran balut inggalang, sikayo tan saray lalaki yo.

COLOSAS 2:2

Gagawaen ko ya, pian ombiskeg so linawa ra, mankasakey iran nabalur na aro, tan nawalaan iray intiron kayamanan na ilalo ya iter na tuan pakatalus. Diad ontan, nakabatan day niamut a katwaan na Dios, salanti si Cristo a dili.

Saray Huis 20:11

Kanyan amin da ray lalaki ed Israel et nantitipon a saksakey so getma ra—say idogpa rad baley na Gabaa.

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 19:1

Imbaga nen Saul ed kinen anak ton Jonatan tan saray amin ya opisyal to a getma ton pateyen si David. Balet inararo nen Jonatan si David,

1 Samuel 19:2

kanyan inkuantod sikato, “Labay kan pateyen nen amak. Manalwar ka nabwas na kabwasan; lakad maamut a pasen tan diman ka.

1 Samuel 20:17

Si Jonatan impansamba to lamet si David ya aroen to, ta si Jonatan inaro toy David a singa panangaro tod sikaton dili.

1 Samuel 20:8

Ipangasim pan gawaen ya para siak, tan sumpal moy masanton sipanan ta. Balet no nankasalanan ak, sika lan diliy mamatey ed siak! Akin et abuloyan mon say amam so manggawa?”

1 Samuel 22:8

Sikato yay makasengeg a pankokomplutan yo ak? Anggapoy anggan sakey ed sikayo so angidalem ed siak ya akigampid kinen David so dilin anak ko. Anggapoy anggan sakey ed sikayoy angabagey ed siak o mangibagad siak a si David a sakey ed saray dilin totook, et manaanap natan na pankanawnawan pamatey tod siak, tan say anak kon dili so ananggoyur ed sikato!”

1 Samuel 23:18

Nanggawa ray masanton sipanan a mankaaro ra lawas. Tinmilak ed Hores si David, tan sinmempet lay Jonatan.