1 Samuel 17:45 - Maung A Balita Biblia

⁴⁵ Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.

Maung a Balita Biblia

⁴⁵ Inmebat si David, Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.

1 Samuel 17:45 Iomraidhean Croise

2 Saray Awaran 14:10

Pinmaway a milaban ed sikato si Asa. Diad Patar na Sefata ya asingger ed Maresa so namparaanan dan dua a mambakal.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Saray Salmo 124:8

Say tulong ed sikatayo et manlalapud Katawan, ya amalsay tawen tan dalin.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 20:8

Natumba tan napelag ira yan totoo, balet ombangon tan mabisbiskeg itayon onalagey.

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 44:6

Ag ko panmamatalkan a mangilaban ed siak so panak o say ispadak,

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 37:28

“Balet amtak iray amin a nipaakar ed sika, saray gagawaen mo tan saray lalaen mo. Amtak so mapalalon petang na olom ed siak.

2 CORINTO 10:4

Saray ikakana min armas et aliwan minumundon armas, no ag ingen saray mabiskeg ya armas na Dios a paneral mid saray mabiskeg a tirinsira. Dederalen miy tila-tilan katonungan;

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

1 Samuel 17:10

Sagyaten ko dia natan iray sondaloy Israel. Mamili kayoy sakey a milaban ed siak!”

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:6

Asolungan met na gansa ed bikking tan ulpo to, tan sankasakbat toy sakey a pikan gansa.