1 Samuel 17:36 - Maung A Balita Biblia

³⁶ Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

Maung a Balita Biblia

³⁶ Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:36 Iomraidhean Croise

2 Saray Awaran 32:17

Diad samay sulat nen impirador na Asiria nileglemew ton mapalalo so Katawan a Dios na Israel. Inkuantod samay sulat, “Saray diriyos na saray bansa et ag da ayarian ya inyagel iray totoo ra ed pakayarik. Ontan met say dios nen Ezekias et ag to niagel ed pakayarik iray totoo to.”

Isaias 10:15

Balet say Katawan kuanto, “Nayari kasin ipasirayew na wasay a matalonggaring ni nen say mangiwawasay ed sikato? Odino say ligari nen say mangililigarid sikato? Say bastun ag to lilibiten so too, no ag ingen say too so manlilibit ed bastun.”

Isaias 36:15

Ag yo aabuloyan a tanggoyuren to kayon manmatalek ed Katawan. Ag yo nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

Isaias 36:18

Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat. Wala tay dios na dinan man a bansa ya inyagel tod impirador na Asiria so dalin to?

Ezekiel 28:10

Singa ka ason pateyen na saray anggapoy Dios a sangkaili. Siak a Katawan a Dios so angiganggan ed saya.”

Ezekiel 32:19

Ibagam ed sikara: “Abaloan yo a maganggana kayo ni nen saray arum? Onla kayo ed pasen a panaayaman da ray inaatey tan mansiansia kayod man, pati saray makasalanan.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Zacarias 12:3

Balet no onsabiy tan a panaon, pagmaliwen kon singa sakey ya ambelat a bato so Jerusalem—dinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

1 Samuel 17:10

Sagyaten ko dia natan iray sondaloy Israel. Mamili kayoy sakey a milaban ed siak!”

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:35

osilan kon dogpaan, tan alaen ko may karnirod sangi to. No say lion o uso et poliktaran to ak a labanan, singkaten kod beklew tan pekpeken ko ya anggad ompatey.

1 Samuel 17:37

Say Katawan inyagel to ak ed saray lion tan saray uso; iyagel to ak met ed saman a Filisteo.” Inmebat si Saul, “Sigi, laka, tan say Katawan wala komud sika.”

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 31:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.