1 Samuel 17:22 - Maung A Balita Biblia

²² Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.

Maung a Balita Biblia

²² Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.

1 Samuel 17:22 Iomraidhean Croise

Genesis 37:14

Inkuanen ama to, “Nengneng mo no antoy kipapasen da ray agagim tan saray karniro, insan pawil ka dia tan ibagam ed siak.” Kanyan pinasiput nen ama to ed Patar na Hebron. Sinmabiy Jose ed Sikem,

2 Samuel 11:7

Nen sinmabiy Urias, tinepet nen David ed sikato no maung kasiy kipapasen nen Joab tan saray sondalo, tan no antoy nagagawad bakal.

Exodo 18:7

kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Isaias 10:28

Adakep na saray sondalon kalaban so siudad na Ayat! Dinmalan irad Migron! Intilak dad Micmas iray abasto ra!

Saray Huis 18:15

Kanyan linma rad abung nen Micaya a panaayaman na samay tobun-balon Levita, tan tinepet da no antoy kipapasen na panagbilay to.

Saray Huis 18:21

Pinmoliktar ira tan ginapwan day linma a walad onaan da ray anak da, saray baka ra, tan saray kayaryan da.

1 Samuel 17:21

Nanaarapan la ran mambakal iray sondalo na Filistia tan saray sondalo na Israel.

1 Samuel 25:5

Kanyan angibakid Carmel na samploran balolaki; binilin to ran anapen day Nabal, tan ipasabi ray panangilugay to.

1 Samuel 30:21

Insan amawil ed saramay duan lasus a lalakin tinmilak ed gilig na Kolus na Besor lapud inkaksawan dan maung. Inmabet irad kinen David tan saray totoo to; dinago ra nen David tan ampetapetang so impangilugay tod sikara.