1 Samuel 17:18 - Maung A Balita Biblia

¹⁸ Awit mo met ira yay samploran kiso a para samay panguloy sanlibon sondalo. Nengneng mo no antoy kipapasen da ra may kuyam, tan mangawit ka diay bengatlan pakapatnagan ya anengneng mo ra tan maung so kipapasen da.

Maung a Balita Biblia

¹⁸ Awit mo met ira yay samploran kiso a para samay panguloy sanlibon sondalo. Nengneng mo no antoy kipapasen da ra may kuyam, tan mangawit ka diay bengatlan pakapatnagan ya anengneng mo ra tan maung so kipapasen da.

1 Samuel 17:18 Iomraidhean Croise

Genesis 37:13

inkuanen Jacob ed kinen Jose, “Laen mo ra may agagim dimad Sikem a kawalaan dan pampapastolan.” Inmebat si Jose, “On, ama.”

Genesis 37:14

Inkuanen ama to, “Nengneng mo no antoy kipapasen da ray agagim tan saray karniro, insan pawil ka dia tan ibagam ed siak.” Kanyan pinasiput nen ama to ed Patar na Hebron. Sinmabiy Jose ed Sikem,

Ester 2:11

Inagew-agew a manakar a mampawil-pawil ed arap na solar na harim si Mardokeo, pian naamtaan to no antoy kipapasen nen Ester tan no antoy pansumpalan to.

Say Libro nen Job 10:10

Initdan moy pakayari so amak a mangilalak ed siak; pinabaleg mo ak ed eges nen inak.

Exodo 18:7

kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Saray Gawgawa 15:36

Kayariy pigaran agew, inkuanen Pablo ed kinen Bernabe, “Pawilen ta a bisitaen iray agagi ed amin a pasen a nampupulongan tay salitay Katawan. Nengnengen ta no anto kasiy kipapasen da.”

Saray Huis 18:15

Kanyan linma rad abung nen Micaya a panaayaman na samay tobun-balon Levita, tan tinepet da no antoy kipapasen na panagbilay to.

1 Samuel 16:20

Si Jesse imbaki toy David ed kinen Saul tan impanawit toy katat a pananginan a napnoy alak, sakey a malangwer a kanding, tan sakey ya asno a napnoy tinapay so beneg to.

1 Samuel 17:19

Si Ari Saul, saray kuyam, tan amin iray arum ya Israelita et wala rad Patar na Ela a mibabakal ed saray Filisteo.”

1 Samuel 25:5

Kanyan angibakid Carmel na samploran balolaki; binilin to ran anapen day Nabal, tan ipasabi ray panangilugay to.

1 Samuel 30:21

Insan amawil ed saramay duan lasus a lalakin tinmilak ed gilig na Kolus na Besor lapud inkaksawan dan maung. Inmabet irad kinen David tan saray totoo to; dinago ra nen David tan ampetapetang so impangilugay tod sikara.