1 Samuel 16:5 - Maung A Balita Biblia

⁵ “On,” ebat to. “Linma ak dian mangibagat ed Katawan. Linisan yoy sikayon dili tan mila kayod siak.” Impanpalinis to ra di Jesse tan saray anak ton lalaki, tan inimbitaan to rad bagat.

Maung a Balita Biblia

⁵ On, ebat to. Linma ak dian mangibagat ed Katawan. Linisan yoy sikayon dili tan mila kayod siak. Impanpalinis to ra di Jesse tan saray anak ton lalaki, tan inimbitaan to rad bagat.

1 Samuel 16:5 Iomraidhean Croise

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

1 Saray Arari 2:13

Aminsan ya agew, linmad kinen Bat-seba ya ina nen Solomon si Adonias a say ina to et si Hagit. Tinepet nen Bat-seba ed sikato, “Maabig kasiy iter to yan imbisitam?” “On,” ebat to,

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Exodo 19:10

et say Katawan kuantod sikato, “Laka, ta ibagam ed saray totoo a diad sayan agew tan nabwas et mamparaan iran mangigalang ed siak: linisan day sikaran dili tan ipesak da ray kawes da.

Joel 2:16

Pantitipon yo ray totoo; iparaan yo ran ondagup ed masanton miting; pankakasakey yo ray mamatakken; pantitipon yo ray ogogaw tan ontan met na saray mansususo. Anggan saray kapankasal nepeg a taynan day kaabungan da tan ondagup ira.

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.

Saray Bilang 11:8

Kaolup na linaew ya ompepelag ira ed kampo no labi. Diad ontombuk a kabwasan saray totoo et manliber iran mandokdok, gilingen da odino bayoen da ran pino-pino a singa arina, insan da ilambung tan gawaen dan maimpis iran tinapay. Say taway to et singa tinapay ya inlotod larak na oliba.)

1 CORINTO 11:28

Kanyan nakaukolan a sokayan na balang sakey so sikaton dili, kasakbayan a mangan na tinapay tan oninom ed kupa.

Josue 3:5

Inkuanen Josue ed saramay totoo, “Linisan yoy sikayon dili onung ed ganggan, tan nabwas say Katawan manggawad pegley yo na saray milagro.”

Josue 7:13

Bangon ka! Linisan mo ray totoo onung ed ganggan tan iparaan mo ran miarapan ed siak. Ibagam ed sikaran sipaparaan ira nabwas, ta siak a Katawan a Dios na Israel et walay ibagak ed sikara: ‘Israel, isisinup yoy pigaran bengatla ya ingganggan kon deralen yo! Ag yo nalabanan iray kalaban yo ya anggad deralen yo ray bengatlan sebel ya alaen!’

1 Samuel 20:26

balet anggapoy imbaga nen Saul, ta inisip to, “Wala angangkoy agawad sikato kanyan aliwan malinis onung ed ganggan.”