1 Samuel 16:19 - Maung A Balita Biblia

¹⁹ Angibaki sirin ed kinen Jesse si Saul tan impaikuanto, “Ibakim ed siak si David ya anak mon managasikasoy karniro.”

Maung a Balita Biblia

¹⁹ Angibaki sirin ed kinen Jesse si Saul tan impaikuanto, Ibakim ed siak si David ya anak mon managasikasoy karniro.

1 Samuel 16:19 Iomraidhean Croise

1 Saray Arari 19:19

Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

Saray Salmo 113:8

tan pipiolupen to rad saray prinsipi, saray prinsipi da ray totoo to.

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

1 Samuel 16:11

Insan to tinepet, “Wala ni ray anak mon lalaki?” Inmebat si Jesse, “Wala ni, say sankayogtanan, balet andi dia ta aasikasoen to ray karniro.” “Paonlam dia,” kuanen Samuel. “Ag itayo mangibagat, no ag ni sinmabi.”

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 16:20

Si Jesse imbaki toy David ed kinen Saul tan impanawit toy katat a pananginan a napnoy alak, sakey a malangwer a kanding, tan sakey ya asno a napnoy tinapay so beneg to.

1 Samuel 17:15

si David nampawil-pawil ed Betlehem a manasikasoy karniro nen ama to.