1 Samuel 16:18 - Maung A Balita Biblia

¹⁸ Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

Maung a Balita Biblia

¹⁸ Inkuan na sakey ed saray managlingkur to, Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.

1 Samuel 16:18 Iomraidhean Croise

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 39:23

Anggapo lay sakit na olo to may inkargadoy prisowan ed antokaman a nipiad kinen Jose, ta walay Katawan ed kinen Jose tan pinaaligwas tod amin a gagawaen to.

2 Samuel 14:20

Balet ginawa to ya, pian naapiger so antokaman ya aderal. Balet makabat a singa anghil na Dios so Kagalang kon Ari tan kabat toy amin a nagagawa.”

2 Samuel 17:10

Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

Probirbio 12:8

No makabat ka nadayew ka, balet no makulang-kulang ka nabalaw ka.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

1 Samuel 10:7

No nagawa ra ya, gawam so antokaman a pagawad sika na Dios.

1 Samuel 16:12

Kanyan nampabakian nen Jesse. Guapon laki, maung a laman, tan manimimis so mata to. Inkuan na Katawan ed kinen Samuel, “Sikato ya—lanaan mo!”

1 Samuel 16:17

Ingganggan ira nen Saul, “Iyanapan yo ak sirin na lakin maung a manogtog tan iyakar yo dia.”

1 Samuel 16:19

Angibaki sirin ed kinen Jesse si Saul tan impaikuanto, “Ibakim ed siak si David ya anak mon managasikasoy karniro.”

1 Samuel 17:12

Si David et anak nen Jesse ya Efratita, a taga Betlehem ed Juda. Si Jesse waloray anak ton lalaki, tan masikesiken la nen ari si Saul.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.