1 Samuel 16:13 - Maung A Balita Biblia

¹³ Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

Maung a Balita Biblia

¹³ Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

1 Samuel 16:13 Iomraidhean Croise

2 Samuel 12:7

“Sika man a too,” inkuanen Natan ed kinen David. “Onyay kuan na Katawan a Dios na Israel: ‘Ginawa ta kan ari na Israel tan inyagel ta kad kinen Saul.

2 Samuel 2:4

Insan saray lalakid Juda linma rad Hebron tan nilanaan day David a manarid Juda. Nen nadngelan nen David a si Saul et impompon na saray totood Jabes, diad Galaad,

2 Samuel 23:1

Si David a lakin anak nen Jesse et sikatoy ginawa na Dios a matalonggaring, pinili na Dios nen Jacob a manari, tan sikatoy nanggawa na saray marakep a kanta a para Israel. Nia ray kaonuran a salita nen David:

2 Samuel 5:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara, nilanaan da et nagmaliw ya ari na Israel.

2 Saray Arari 9:6

Linma ran dua ed loob na kuarto, insan inkalbo na samay malangwer a propita so larak na oliba ed olo nen Jehu tan kuantod sikato, “Ibabawag na Katawan a Dios na Israel: ‘Lalanaan ta kan manari ed saray totook ya Israelita.

1 Saray Awaran 11:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara si David; nilanaan da et nagmaliw ya ari na Israel onung na insipan na Katawan ed panamegley nen Samuel.

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Saray Salmo 89:21

Niwala lawas ed sikatoy biskeg ko, tan pabiskegan na pakayarik.

Saray Bilang 11:17

Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Saray Bilang 27:18

Say Katawan kuantod kinen Moises, “Tawag moy Josue a lakin anak nen Nun, tan itapew mo ray liman ed olo to ta sikatoy lakin nayarian toy mangipangulo.

Juan 3:34

Ta say imbakiy Dios ipulong toy salitay Dios, ta ag nasabsabaay pangiter na Dios ed sikato na Ispiritu.

Saray Gawgawa 13:22

Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: ‘Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.’

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.”

Saray Hebreo 11:32

Anto niy nayarin ibagak? Anggapo lay nakdaan a panaon kon mangisalaysay ni na nipaakar ed kindi Gideon, Barac, Samson, Jefte, David, Samuel, tan saray propita.

Saray Huis 11:29

Insan nanayam ed Jefte so ispiritu na Katawan. Dinmalan si Jefte ed Galaad tan Manases, insan pinmawil ed Mizpa na Galaad tan linmad Ammon.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

1 Samuel 1:19

Kaimbuas binmangon a masakbay si Elcana tan say pamilya to, inggalang day Katawan, insan ira amawil ed Rama. Inakdulan nen Elcana si asawa ton Ana et inebatan na Katawan so pikakasi nen Ana.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.

1 Samuel 11:6

Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 18:12

Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.