1 Samuel 16:1 - Maung A Balita Biblia

¹ Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

Maung a Balita Biblia

¹ Inkuan na Katawan ed kinen Samuel, Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.

1 Samuel 16:1 Iomraidhean Croise

1 Saray Arari 8:16

‘Manlapud samay agew ya impangipaway kod Egipto na saray totook ya Israelita, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak. Balet pinili ta ka, David, a manoley ed saray totook.’”

2 Saray Arari 9:1

Legan to ya, tinawag nen propita Eliseo so sakey ed saray malangwer a propita tan kuantod sikato, “Mamparaan ka, ta lakad Ramot-galaad. Awit mo yay sakey a garapon a larak na oliba,

2 Saray Arari 9:3

kalboan mod man so olo to na larak, tan kuanmo, ‘Ibabawag na Katawan a lalanaan to kan manari ed Israel.’ Insan ganatan moy ontaynan ed saman a lugar.”

2 Saray Arari 9:6

Linma ran dua ed loob na kuarto, insan inkalbo na samay malangwer a propita so larak na oliba ed olo nen Jehu tan kuantod sikato, “Ibabawag na Katawan a Dios na Israel: ‘Lalanaan ta kan manari ed saray totook ya Israelita.

1 Saray Awaran 11:3

Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara si David; nilanaan da et nagmaliw ya ari na Israel onung na insipan na Katawan ed panamegley nen Samuel.

1 Saray Awaran 28:4

Say Katawan a Dios na Israel pinili to ak tan saray kabyangay boleg ko a manoley ya anggad angga ed Israel. Pinili toy tribu nen Juda a panlapwan na mangipangulo, tan diad tribu nen Juda pinili toy pamilya nen amak. Diad amin a kabyangan na sayan pamilya et nanliketan toy impamili tod siak, insan to ak ginawan ari ed intiron Israel.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Jeremias 11:14

Jeremias, ag ka mampipikasid siak odino ipikasim ed siak ira yan totoo. No nagunigon ira, et onkerew irad siak na tulong, ag ko ra dengelen.”

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 6:30

Natatawag iran andi-kakanaan a pilak, ta siak, say Katawan, impolisay ko ra.”

Jeremias 7:16

Inkuay Katawan, “Jeremias, ag mo ipipikasi ra yan totoo. Ag mo ra itatagleeyan o ikekerewan ed siak, ta ag ta ka dengelen.

Zacarias 4:14

Insan inkuanto, “Sikara yay duaran lalakin pinili na Dios tan nilanaan ton manlingkur ed sikato.”

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Hebreo 11:32

Anto niy nayarin ibagak? Anggapo lay nakdaan a panaon kon mangisalaysay ni na nipaakar ed kindi Gideon, Barac, Samson, Jefte, David, Samuel, tan saray propita.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

1 Samuel 15:35

Legan na impambilay ni nen Samuel ag to la anengneng si Saul; balet nanermen lapud kinen Saul. Nagbabawi so Katawan a ginawa ton arid Israel si Saul.

1 Samuel 16:15

Inkuan ed sikato na saray managlingkur to, “Amta min papairapen kay sakey ya ispiritun maoges ya imbakiy Dios.

1 Samuel 16:23

Nanlapud saman, kapag say ispiritun maoges ya imbaki na Dios et onloob ed kinen Saul, alaen nen David so arpa to tan manogtog. Ontaynan ed satan so ispiritun maoges, tan onmaung si Saul et ompawil so gendat a liknaan to.

1 Samuel 17:12

Si David et anak nen Jesse ya Efratita, a taga Betlehem ed Juda. Si Jesse waloray anak ton lalaki, tan masikesiken la nen ari si Saul.

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”