1 Samuel 15:26 - Maung A Balita Biblia

²⁶ “Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

Maung a Balita Biblia

²⁶ Ag ak milad sika, ebat nen Samuel. Impolisay moy ganggan na Katawan, kanyan impolisay to ka ya ari na Israel.

1 Samuel 15:26 Iomraidhean Croise

Genesis 42:38

Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

2 Samuel 7:15

Balet ag ko ekalen so ag mangoman a panangarok ed sikato, aliwan singa ginawak ed kinen Saul.

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Oseas 13:11

Diad gaway pasnuk ko initdan ta kayo na saray arari, tan diad mapalalon pasnuk ko ineekal ko ra.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Saray Gawgawa 13:22

Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: ‘Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.’

2 Juan 1:11

Ta siopamay mangibabanod sikato, mibibiang ed maoges a gawa to.

1 Samuel 13:14

Balet natan ag la mansiansia so panoley mo. Lapud ag mo inonur so Katawan, mananap la na lakin labay to tan panoleyen tod saray totoo to.”

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 15:31

Kanyan akilay Samuel ed sikato ed Gilgal, tan inggalang nen Saul so Katawan.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

1 Samuel 28:18

Ag mo inonur so ganggan na Katawan ta ag mo sigput a pinatey iray Amalecita tan dineral iray kayaryan da. Sikato yay makasengeg a gagawaen ya na Katawan ed sika.