1 Samuel 15:11 - Maung A Balita Biblia

¹¹ “Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

Maung a Balita Biblia

¹¹ Magbabawi ak a ginawak ya ari si Saul; imbeneg to ak tan ag to inonur iray ganggan ko. Apasnukay Samuel, tan sanlabin akikasi ed Katawan.

1 Samuel 15:11 Iomraidhean Croise

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

1 Saray Arari 11:9

Anggaman ya amidwan pinmayawar ed kinen Solomon so Katawan a Dios na Israel tan ingganggan tod sikaton ag mangigalang ed saray diriyos na arum a bansa, ag tinmoluk si Solomon ed sikato; inarawian to ni ingen. Kanyan akapasnuk so Katawan ed kinen Solomon,

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

1 Saray Awaran 21:15

Say Dios angibaki na sakey ya anghil a maneral ed Jerusalem, balet angoman na kanunotan tan kuantod samay anghil, “Tondaan mo la! Duga la tan!” Manalalagey imay anghil ed abay na panagilikan nen Arauna a Jebuseo.

Say Libro nen Job 34:27

lapud tinondaan day itotombuk dad sikato tan ag da la ikabkabilangan iray ganggan to.

Saray Salmo 109:4

Susumpaen da ak, anggaman ya aaroen ko ra, tan impikasik ira.

Saray Salmo 110:4

Say Katawan sinambaan to tan ag to benegan: “Pari kan anggad angga, onung ed inkapari nen Melkisedek.”

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Saray Salmo 78:41

Inolit-olit dan sinubok so Dios, tan impanpapasnuk da so Masanton Dios na Israel.

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 34:16

Balet angoman kayo lamet na kanunotan tan ag yo ak pinagalangan. Binabawi yon amin ira may aripen ya imbobolus yo onung na labay da, tan pinasoot yo ra lamet ya inaripen.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 9:18

Saray totoo inkuanda, “Pangganat yo ra, ta kantaan da kami na kantan para tolur, anggad onterter iray lua mi, tan nabasa-basa ray goyamgoyam mi lapud kakaakis.”

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Amos 7:3

Inoman na Katawan so kanunotan to kanyan inkuanto, “Ag nagawa so anengneng mo.”

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Mateo 24:13

Balet nilaban so toon mansiansia ya anggad kasamputan.

Mateo 5:44

Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Lucas 6:12

Diad saman a panaon, linmay Jesus ed nipalandey a pasen tan sanlabin nampikasid man ed Dios.

Saray Hebreo 10:38

Mambilay ed pananisia so took a matonung, balet no benegan to ak, ag ko pakaliketan.”

Josue 22:16

Insan insalitaan day amin a totoo na Katawan ya inkuanda, “Akin et ginawa yo yan kaogsan a sumpad Dios na Israel? Sinumlang yoy Katawan diad impamaalagey yod sayan altar a para sikayon dili! Ag yo la oonuren so Katawan!

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 13:13

“Kalokowan so ginawam,” ebat nen Samuel. “Ag mo inonur so ingganggan ed sika na Katawan a Dios mo. No inonur mo komun, abuloyan to ka tan saray kabyangay boleg mo a manoley ya anggad angga ed Israel.

1 Samuel 15:10

Inkuan na Katawan ed kinen Samuel,

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 15:35

Legan na impambilay ni nen Samuel ag to la anengneng si Saul; balet nanermen lapud kinen Saul. Nagbabawi so Katawan a ginawa ton arid Israel si Saul.

1 Samuel 15:9

Si Saul tan saray totoo to et ag da pinatey si Agag, tan ag da met pinatey iray sankaabigan a karniro, baka, saray kilaw na baka tan kordiro, tan amin a bengatlan walay kana; dineral da balet iray amin ya andi-kana o aliwliwa.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 8:6

Naermenan si Samuel ed sayan inkerew da na sakey ya ari; kanyan nampikasid Katawan,