1 Samuel 14:42 - Maung A Balita Biblia

⁴² Insan inkuanen Saul, “Gawa yo natay pampapalaranan pian natoro no siopad sikamin dua nen Jonatan so nankasalanan.” Et si Jonatan so atoro.

Maung a Balita Biblia

⁴² Insan inkuanen Saul, Gawa yo natay pampapalaranan pian natoro no siopad sikamin dua nen Jonatan so nankasalanan. Et si Jonatan so atoro.

1 Samuel 14:42 Iomraidhean Croise

Probirbio 16:33

Saray totoo pampapalaranan dan amtaen so linaway Dios, balet say Dios a dili so mangiiter na ebat.

Probirbio 18:18

Nayarin naarigloan so kaso na duaran makapanyari a manlalaban ed korti diad panamegley na pampapalaranan.

Jonas 1:7

Saray mariniro kuandad sakey tan sakey ed sikara, “Mambibinagut itayo, ta nengnengen no siopay nepeg a natetel ed sayan asagmakan tayon kaatapan.” Nambibinagut ira sirin, et say ngaran nen Jonas so abagut.

Josue 7:18

Pinarago ton nansosoblay iray lalaki ed pamilya nen Zabdi, et say apili si Acan a lakin anak nen Carmi tan apo nen Zabdi.

1 Samuel 14:41

Inkuanen Saul, “Katawan a Dios na Israel, akin et ag mo ak inebatan ed sayan agew? Ebatan mo ak pa diad panamegley na sarayan bato. No say nankasalanan et si Jonatan o siak, ebat kad panamegley na Urim; balet no saray totoom ya Israel, ebat kad panamegley na Tummim.” Onung ed ebat si Jonatan tan si Saul iray atoro, tan saray totoo et anggapoy kasalanan da.

1 Samuel 14:43

Insan tinepet nen Saul ed kinen Jonatan, “Antoy ginawam?” Inmebat si Jonatan, “Angan ak na daiset a dilo ed ngoro na bislak a sankabembenan ko. Nia ak—akaparaanan ak ya ompatey.”