1 Samuel 14:40 - Maung A Balita Biblia

⁴⁰ Inkuanen Saul ed sikara, “Alagey kayon amin ed satan a dapag, tan sikami nen Jonatan manalagey ed sayan dapag.” “Gawan so antokaman ya isisipen mon maabig,” ebat da.

Maung a Balita Biblia

⁴⁰ Inkuanen Saul ed sikara, Alagey kayon amin ed satan a dapag, tan sikami nen Jonatan manalagey ed sayan dapag. Gawan so antokaman ya isisipen mon maabig, ebat da.

1 Samuel 14:40 Iomraidhean Croise

2 Samuel 15:15

Inmebat ira, “On, Kagalang min Ari, wadya kamin akaparaan a manggawa na antokaman ya ibagam.”

1 Samuel 1:23

Inkuanen Elcana, “Gawam so isisipen mon sankaabigan. Tilak ka dia sirin ed abung anggad napaksom. Tulongan ka komun na Katawan ed panumpal mod sipan mo.” Nanayam sirin ed abung si Ana tan inasikaso toy anak to.

1 Samuel 14:36

Inkuanen Saul ed saray totoo to, “Leksaban tin dogpaan iray Filisteo no labi. Pairapen ti ra ya anggad palbangon, insan pateyen ti ran amin.” “Gawam so antokaman ya isisipen mon maabig,” ebat da. Balet inkuanto may pari, “Ipanon ti nid Dios.”

1 Samuel 14:39

Isipan kod mabilay a Katawan, say manangilaban na Israel, a pateyen so nankasalanan, anggan si Jonatan ya anak ko.” Balet anggapoy imbaga na siopaman.

1 Samuel 14:41

Inkuanen Saul, “Katawan a Dios na Israel, akin et ag mo ak inebatan ed sayan agew? Ebatan mo ak pa diad panamegley na sarayan bato. No say nankasalanan et si Jonatan o siak, ebat kad panamegley na Urim; balet no saray totoom ya Israel, ebat kad panamegley na Tummim.” Onung ed ebat si Jonatan tan si Saul iray atoro, tan saray totoo et anggapoy kasalanan da.

1 Samuel 14:7

Inmebat imay balolaki, “Kaiba mo ak ed antokaman a labay mon gawaen.”