1 Samuel 14:37 - Maung A Balita Biblia

³⁷ Kanyan tinepet nen Saul ed Dios, “Dogpaan ko ra kasiy Filisteo? Panaloen mo kami kasi ed sikara?” Balet ag inmebat so Dios ed saman ya agew.

Maung a Balita Biblia

³⁷ Kanyan tinepet nen Saul ed Dios, Dogpaan ko ra kasiy Filisteo? Panaloen mo kami kasi ed sikara? Balet ag inmebat so Dios ed saman ya agew.

1 Samuel 14:37 Iomraidhean Croise

2 Samuel 5:19

Tinepet nen David ed Katawan, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

2 Samuel 5:23

Impanon lamet nen David ed Katawan, et say Katawan inmebat, “Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.

1 Saray Arari 22:15

Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

1 Saray Arari 22:5

Insan inkuanto ni, “Balet ipanon tayo ni ya ed Katawan.”

Ezekiel 20:3

Inkuanto, “Sika a toon ompatey, misalita kad sarayan totoo tan ibagam ed sikara so ibabagak, siak a Katawan a Dios: Linma kayo dian manepet no anto so linawak, anto? Legan a siak so mabilay a Dios, andi-duaruwan ag ta kayo abuloyan a manepet ed siak na antokaman. Siak a Katawan a Dios so nansalita.

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 23:2

Kanyan tinepet tod Katawan, “Laen kon dogpaan iray Filisteo?” “On,” ebat na Katawan. “Dogpaan mo ra tan iyagel moy Keila.”

1 Samuel 23:4

Kanyan impanon lamet nen David ed Katawan, tan imbagay Katawan ed sikato, “Lakad Keila tan dogpaan mo ray Filisteo ta panaloen ta kad sikara.”

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.