1 Samuel 14:36 - Maung A Balita Biblia

³⁶ Inkuanen Saul ed saray totoo to, “Leksaban tin dogpaan iray Filisteo no labi. Pairapen ti ra ya anggad palbangon, insan pateyen ti ran amin.” “Gawam so antokaman ya isisipen mon maabig,” ebat da. Balet inkuanto may pari, “Ipanon ti nid Dios.”

Maung a Balita Biblia

³⁶ Inkuanen Saul ed saray totoo to, Leksaban tin dogpaan iray Filisteo no labi. Pairapen ti ra ya anggad palbangon, insan pateyen ti ran amin. Gawam so antokaman ya isisipen mon maabig, ebat da. Balet inkuanto may pari, Ipanon ti nid Dios.

1 Samuel 14:36 Iomraidhean Croise

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Jeremias 6:5

Mamparaan itayo! Ondogpa tayo natad sayan labi, tan deralen ti ray tirinsira na siudad.”

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

Josue 10:19

balet ag kayod man manaayam. Ituloy yon osilan iray kalaban tan dogpaan yo rad bandad beneg; ag yo aabuloyan a makasabi rad siudad da! Say Dios a Katawan impanalo to kayod sikara.”

Josue 11:14

Saray totood Israel inaala ray amin a mabmabli ran kagawaan tan saray ayayep ed sarayan siudad tan kinakayaryan da la ra. Balet pinapatey da ray amin a totoo; anggapoy akeraan a mabilay.

1 Samuel 1:23

Inkuanen Elcana, “Gawam so isisipen mon sankaabigan. Tilak ka dia sirin ed abung anggad napaksom. Tulongan ka komun na Katawan ed panumpal mod sipan mo.” Nanayam sirin ed abung si Ana tan inasikaso toy anak to.

1 Samuel 11:11

Kaimbuas ginawa nen Saul a taloran grupo iray totoo to, tan diad palbangon dinogpaan da ray Ammonita a walad kampo. Kasabiy kaaguan apatey da la ra. Ataytayak iray akeraan, tan nagsibatik so balang sakey ed sikara.

1 Samuel 14:3

(Say parin akasolung na ipod et si Ahias, say lakin anak na agi nen Icabod a si Ahitob, a lakin anak nen Finees tan apo nen Eli a pari na Katawan diad Silo.) Anggapoy makaamta a tinmaynan si Jonatan.