1 Samuel 14:18 - Maung A Balita Biblia

¹⁸ “Awit yo dia may ipod” kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

Maung a Balita Biblia

¹⁸ Awit yo dia may ipod kuanen Saul ed kinen Ahias a pari. (Diad saman ya agew sankaawit nen Ahias ed onaan da ray Israelita.)

1 Samuel 14:18 Iomraidhean Croise

2 Samuel 11:11

Inmebat si Urias, “Mibabakal iray totood Israel tan Juda, a kaiba ray Kaban na Sipanan; say pangulok a Joab tan saray opisyal to et wala rad kampo diad kaalogan. Panoy isempet kod abung, mangan, oninom, tan onogip a kaakdul koy asawak? Diad ngaray tawen, isambak ya ag ko ya nayarin gawaen!”

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

1 Samuel 14:17

Kanyan inkuanen Saul ed saray totoo to, “Bilang yo ray sondalo, ta nengneng yo no siopay anggapo.” Nen abilang da la ra, arumog dan anggapo ra di Jonatan tan samay balolakin umaawit na armas to.

1 Samuel 14:36

Inkuanen Saul ed saray totoo to, “Leksaban tin dogpaan iray Filisteo no labi. Pairapen ti ra ya anggad palbangon, insan pateyen ti ran amin.” “Gawam so antokaman ya isisipen mon maabig,” ebat da. Balet inkuanto may pari, “Ipanon ti nid Dios.”

1 Samuel 23:9

Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”

1 Samuel 5:2

Inawit dad dalem na timplo na dios dan Dagon, tan inyan dad abay na talintao to.

1 Samuel 7:1

Kanyan inala na saray taga siudad na Kiryat-jearim so Kaban na Sipanan na Katawan tan inyakar dad abung nen Abinadab a manaayam ed toktok na sakey a pokdul. Si Eleazar a lakin anak nen Abinadab so kinonsagra ran mangasikasoy Kaban na Sipanan na Katawan.