1 Samuel 13:5 - Maung A Balita Biblia

⁵ Nantitipon iray Filisteo a mibakal ed saray Israelita. Talomplon liboy karwahi ra; anem a liboy sondalon akakabayo, tan singa karakel na buer ed dayat iray arum a sondalo ra. Linma rad Micmas diad bokig na Bet-aven, tan diman ira nankampo.

Maung a Balita Biblia

⁵ Nantitipon iray Filisteo a mibakal ed saray Israelita. Talomplon liboy karwahi ra; anem a liboy sondalon akakabayo, tan singa karakel na buer ed dayat iray arum a sondalo ra. Linma rad Micmas diad bokig na Bet-aven, tan diman ira nankampo.

1 Samuel 13:5 Iomraidhean Croise

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

1 Saray Arari 20:27

Atipon met iray totood Israel tan naitdan iray ikana ra; kinmurang ira tan nanayam irad kampon sankaarap da ray Siriano. Duara ran grupo tan singa ra labat duaran ankekelag a poluk na saray kanding no ipara rad saray Siriano, ta pinanatan na saray Siriano so intiron sakey a bario.

2 Saray Awaran 1:9

O Katawan a Dios, sumpal mo pa la natan imay sipan mod kinen amak. Impagmaliw mo ak ya ari na saray totoon ag nayari ran bilangen lapud karakel da.

Isaias 10:28

Adakep na saray sondalon kalaban so siudad na Ayat! Dinmalan irad Migron! Intilak dad Micmas iray abasto ra!

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Josue 11:4

Sinmabi ran kaiba da ray amin a sondalo ra, a singa ra karakel na buer ed gilig na dayat. Wala met iray amayamay a kabayo tan karwahi ra.

Josue 18:12

Diad baybay onggapo so ketegan da ed Jordan, insan mampaatagey ed baybay na Jerico tan mampasagur ya ondalan ed kapokdulan ya anggad kalawakan na Bet-aven.

Josue 7:2

Si Josue angibaki na saray lalaki a manlapud Jerico ta onla ra ed Ai, sakey a siudad ed bokig na Betel tan asingger ed Bet-aven. Ingganggan to ran onla a mannengneng na dalin. Nen asumpal da lay angibakian ed sikara,

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

1 Samuel 13:11

Balet inkuanen Samuel, “Antoy ginawam?” Inmebat si Saul, “Tataynan ak la na saray totoo, ta ag ka sinmabid oras ya imbagam tan, sakey ni, mantitipon ed Micmas iray Filisteo.

1 Samuel 13:2

Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

1 Samuel 14:23

Nilabanan da ray Filisteo ya anggad labas na Bet-aven. Diad saman ya agew inyagel na Katawan so Israel.

1 Samuel 14:52

Legan a nambilay si Saul pinasiay impibakal tod saray Filisteo. Kanyan kapag makanengneng na lakin mabiskeg tan masebeg, pagmaliwen ton kabyangan na saray sondalo to.

1 Samuel 17:1

Saray Filisteo nantitipon irad Soco, sakey a baley ed Juda, ta mibakal ira; nanggawa ray kampo ed sakey a pasen a tatawagey Efes-dammin, diad nanleetan na Soco tan Azeca.

1 Samuel 7:13

Atalo sirin iray Filisteo, tan ag inabuloyan na Katawan a makasakop irad dalin na Israel legan a nambilay si Samuel.