1 Samuel 13:2 - Maung A Balita Biblia

² Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

Maung a Balita Biblia

² Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

1 Samuel 13:2 Iomraidhean Croise

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 21:6

Kanyan ipalimam ed sikami so pitoran lalakin kabyangay boleg nen Saul, ta ibitay mi rad Gabaa diad arap na Katawan ed palandey to.” “Ipalimak irad sikayo,” ebat na ari.

Nehemias 11:31

Saray totood tribu nen Benjamin nanayam irad saray siudad na Geba, diad baybay ya anggad Micmas, Ai, Betel tan saray kaliber-liber ton bario,

Josue 18:28

Zela, Elef, Jebus (odino Jerusalem), Gibeat, tan Kiryat-jearim; labinapat iran amin a siudad, a pati saray baley ed kaliber-liber da. Sikato yay dalin a nipabetang ed saray pamilya na tribu nen Benjamin.

Josue 22:6

Pinasempet ira nen Josue kayari to ran binindisionan tan binilin: “Mayamyaman kayon onsempet; amayamay iray ayayep, pilak, balituk, gansa, balatyang tan kawes yo. Pinabang yo ray katribuwan yo na saray asamsam yod saray kalaban yo.” Insan la ra sinmempet. Si Moises inter to so dalin a walad bokig na Jordan ed kapalduay tribu nen Manases, balet si Josue inter tod kapaldua na sayan tribu tan diad saray arum a tribu so dalin a walad sagur na Jordan.

Saray Huis 19:12

Balet inkuan na samay amo to, “Ag itayo ontondad siudad ya aliwan Israelita iray totoo to. Ituloy tayo lay panaakar tayo, ta mamalabas tayo la na labi ed Gabaa odino diad Rama.”

1 Samuel 10:26

Pinmawil met lay Saul ed abung to diad Gabaa. Wala ray akilad sikato a pigaran makapanyarin lalaki a tinenyeg na Dios so puso ra.

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

1 Samuel 13:11

Balet inkuanen Samuel, “Antoy ginawam?” Inmebat si Saul, “Tataynan ak la na saray totoo, ta ag ka sinmabid oras ya imbagam tan, sakey ni, mantitipon ed Micmas iray Filisteo.

1 Samuel 13:15

Tinmaynan ed Gilgal si Samuel, tan intuloy toy kurang to. Saray atilak a totoo akila rad kinen Saul ya onlan mitipon ed saray sondalo to. Manlapud Gilgal, linma rad Gabaa, a sakop na dalin nen Benjamin. Ninengneng nen Saul iray sondalo to, a sakey anem a lasus ira.

1 Samuel 13:16

Si Saul, si anak ton Jonatan, tan saray totoo to et nanayam irad Geba a sakop na dalin nen Benjamin; walad Micmas balet so kampo na saray Filisteo.

1 Samuel 13:23

Saray Filisteo angibaki ray sakey a grupoy sondalo a mangyagel ed Dalan na Micmas.

1 Samuel 13:5

Nantitipon iray Filisteo a mibakal ed saray Israelita. Talomplon liboy karwahi ra; anem a liboy sondalon akakabayo, tan singa karakel na buer ed dayat iray arum a sondalo ra. Linma rad Micmas diad bokig na Bet-aven, tan diman ira nankampo.

1 Samuel 14:31

Diad saman ya agew tinalo na saray Israelita iray Filisteo, a nilalabanan da manlapud Micmas ya anggad Ahilon. Diad sayan bekta makapkapoy lad eras iray Israelita,

1 Samuel 14:5

Say sakey walad baybay na dalan tan akaarap ed Micmas; say sakey walad abalaten tan akaarap ed Geba.

1 Samuel 14:52

Legan a nambilay si Saul pinasiay impibakal tod saray Filisteo. Kanyan kapag makanengneng na lakin mabiskeg tan masebeg, pagmaliwen ton kabyangan na saray sondalo to.

1 Samuel 15:34

Insan linma lay Samuel ed Rama, tan sinmempet lay Ari Saul ed Gabaa.

1 Samuel 24:3

Linmad sakey ya ongib a walad abay na pigaran koral na karniro diad gilig na dalan, tan sinmorub diman ta labay toy nainawaan. Nibana a diad daledalem to man ya ongib akaamut ira di David tan saray totoo to.

1 Samuel 26:2

Amiliy Saul na talon libon sankamaungan a sondalo na Israel tan kaiba to ran linman mananap ed kinen David diad Zif.

1 Samuel 8:11

Impaliwawa to, “Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.