1 Samuel 12:9 - Maung A Balita Biblia

⁹ Balet impolisay na saray lalaki yo so Katawan a Dios da. Kanyan inabuloyan na Katawan a taloen ira na saray Filisteo, tan say ari na Moab, tan si Sisera, say pangulo da ray sondalo na siudad na Hazor.

Maung a Balita Biblia

⁹ Balet impolisay na saray lalaki yo so Katawan a Dios da. Kanyan inabuloyan na Katawan a taloen ira na saray Filisteo, tan say ari na Moab, tan si Sisera, say pangulo da ray sondalo na siudad na Hazor.

1 Samuel 12:9 Iomraidhean Croise

Saray Salmo 106:21

Nilingwanan day Dios ya angilaban ed sikara, diad panamegley da ray makapanyarin gawgawa to ed Egipto.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Deuteronomio 32:18

Alingwanan day Dios da, say makapanyarin manangilaban da, say angiter ed sikara na bilay.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Saray Huis 10:7

Kanyan akapasnuk so Katawan ed saray Israelita, tan inabuloyan ton nadakep ira na saray Filisteo tan saray Ammonita.

Saray Huis 13:1

Nankasalanan lamet ed Katawan iray Israelita, kanyan inyabuloy ton apataploy taon ya inoleyan na saray Filisteo iray Israelita.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 3:12

Nankasalanan lamet ed Katawan iray Israelita. Lapud sayan ginawa ra, say Katawan impagmaliw ton mabiskeg niy Ari Eglon na Moab nen say Israel.

Saray Huis 3:31

Si Samgar a lakin anak nen Anat so tinmombuk a pangulo. Inyagel to met so Israel diad impamatey to na anem a lasus a Filisteo diad panamegley na baston a panagdagdag na baka.

Saray Huis 4:2

Kanyan say Katawan impadakep to rad kinen Jabin a Cananeo a nanarid siudad na Hazor. Say pangulo na saray sondalo to et si Sisara a nanayam ed Haroset-na-saray-Hintil.

1 Samuel 12:15

Balet no ag yo dengelen so Katawan no ag ingen sumlangen yo ray ganggan to, sumpaen to kayo tan say ari yo.