1 Samuel 12:3 - Maung A Balita Biblia

³ Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

Maung a Balita Biblia

³ Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.

1 Samuel 12:3 Iomraidhean Croise

2 Samuel 22:22

Tinoluk koy ganggan na Katawan; ag ko imbeneg so Dios ko.

Nehemias 5:11

Ipawil yo natan ed sikara iray kaalogan da, saray kaubasan da, saray kaolibaan da, tan saray kaabungan da. Lingwanan yo la ray utang dad sikayon kuarta, odino trigo, odino alak, odino larak na oliba!”

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Exodo 20:17

“Ag mo iibegan so abung na kaparam a too; ag mo iibegan so asawa to, saray aripen to, saray baka to, saray asno to, odino antokaman a kayaryan to.”

Exodo 23:8

Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Levitico 6:4

No say sakey a too et nankasalanan na anggan dinan ed saray abitla, nepeg a bayaran toy inala tod sinasaol a polaing. Diad agew a sikatoy naamtaan a nankasalanan, nepeg a bayaran to may angalaan to tan pasolukan to na kakalima.

Saray Bilang 16:15

Akapasnuk si Moises kanyan kuantod Katawan, “Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.”

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Saray Gawgawa 20:33

Ag ko inagom so pilak, balituk, o kawes na siopaman.

2 CORINTO 12:14

Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

1 TESALONICA 2:5

Say Dios so makatasi tan kabat yo met a diad inyakar mid tan, ag mi kayo indayew a konkonwari o kinanaan na saray salitan panakbung na kinaagom.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

1 Samuel 12:4

Inmebat iray totoo, “Ag mo kami sinaol o pinairap; anggapoy antokaman ya inalam ed sikami.”

1 Samuel 12:5

Inmebat si Samuel, “Say Katawan tan say pinili ton ari, sikaray tasik ed sayan agew ya anggapoy nalmoan yon kasalanan ko.” “On, say Katawan so tasi mi,” ebat da.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 24:6

tan kuantod saray totoo to, “Ag iyabuloy komun na Katawan a pasakitan koy pinili ton ari! Ag ko nepeg a pasakitan ta sikatoy ari a pinili na Katawan!”

1 Samuel 24:7

Kanyan tinanggoyur to ray totoo ton ag da dogpaan si Saul. Inmalagey si Saul, pinmaway ed ongib, tan ontataynan la.

1 Samuel 26:11

Ag komun iyabuloy na Katawan a siak so mamasakit ed toon pinili ton ari! Alaen ta labat so pika to tan say pananginan toy danum, insan ta la onla.”

1 Samuel 26:9

Balet inkuanen David, “Ag mo didiwiten! Andi-saew a dusaen na Katawan so siopaman a maniwit ed pinili ton ari.