1 Samuel 12:23 - Maung A Balita Biblia

²³ Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

Maung a Balita Biblia

²³ Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 12:23 Iomraidhean Croise

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

2 Saray Awaran 6:27

dengel mo pa rad tawen, O Katawan, tan pirdonam iray kasalanan da ray aripen mo, saray totoom ya Israelita tan ibangat mo pad sikaray maptek a pambilay da. Insan, O Katawan, ipelag moy oran ed dalin mo ya impatawir mod saray totoom.

Saray Salmo 122:6

Pikasi yoy kareenan na Jerusalem: “Onaligwas komun iray mangaarod sika!

Saray Salmo 34:11

Gali dia, anak, tan dengel yo ak, ta ibangat ta kayo a mangigalang ed Katawan.

Saray Salmo 34:12

Labay yon maliket so pambilay yo? Labay yon andokey tan maaligwas so pambilay yo?

Exodo 32:30

Diad ontombuk ya agew si Moises kuantod saray katoowan, “Ambelat a tuloy so kasalanan a ginawa yo. Balet onkalab ak lamet ed palandey ta laen koy Katawan; angangko nagamuran koy pakapirdona na kasalanan yo.”

Probirbio 4:11

Imbangat kod sikay kakabatan tan inwanwan ta kad dalan na matonung a panagbilay.

Ecclesiastes 12:10

Sinali nen Managpulong ya inanap iray makaligliwan salita, balet katwaan iray insulat to.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 27:18

No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari.” (

Jeremias 42:4

Inebetan ko ra, “Maung itay anunotan yo. Ipikasi ta kayod Katawan a Dios tayo tan ibagak so kekerewen yo. No antoy ibaga to, salitaen kod sikayo. Anggapoy iyamut kod sikayo.”

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Saray Gawgawa 12:5

Kanyan nanayam ed prisowan si Pedro. Legan tod man, saray kabyangay iglisia masimsimoon dan impikasid Dios.

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

1 CORINTO 9:16

Anggapoy kanepegan kon mampasirayew makasengeg labat ed pampupulong koy Maung a Balita! Ta ingganggan ak a manggawad saya, et pakaskasi ak no ag ko ipulong so Maung a Balita!

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

1 TESALONICA 3:10

Labi-agew masimoon min ipipikasi ed Dios a napinengnengan mi kayo komun lamet tan niiter miy kakulangan ed pananisia yo.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 8:6

Naermenan si Samuel ed sayan inkerew da na sakey ya ari; kanyan nampikasid Katawan,