1 Samuel 12:2 - Maung A Balita Biblia

² tan natan sikato lay mangiwanwan ed sikayo. Para say siak, masiken ak la tan ampoti lay buek ko, kanyan saray anak ko lay kaiba yo. Siak so pangulo yo nanlapud lad balolaki ak ya anggad natan.

Maung a Balita Biblia

² tan natan sikato lay mangiwanwan ed sikayo. Para say siak, masiken ak la tan ampoti lay buek ko, kanyan saray anak ko lay kaiba yo. Siak so pangulo yo nanlapud lad balolaki ak ya anggad natan.

1 Samuel 12:2 Iomraidhean Croise

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Saray Bilang 27:17

tan nayarian ton ipangulo rad bakal, pian say olup na totoom et ag ira magmaliw a singa saray karniron anggapoy pastol da.”

2 Timoteo 4:6

No say siak, ngalngali ak la nibagat; sinmabi lay oras na itaynan kod sayan bilay.

Josue 23:1

Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

Josue 23:2

kanyan tinawag toy intiron Israel, saray mamatakken, saray pangulo, saray huis, tan saray opisyal na saray totoo, tan kuanto, “Masikesiken ak la.

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.

1 Samuel 2:22

Masikesiken la natay Eli. Naynay ton narerengel iray amin a bengatlan gagawaen na saray lalakin anak to ed saray Israelita, tan anggan say pipiakdul dad saray bibiin mankikimey ed puirta na Tuldan Ayamay Katawan.

1 Samuel 2:29

Akin, sirin et aagoman yo ray bagat tan saray saklang ko ya ingganggan ko ran gawaen na totook? Akin et papablien mo ni ray lalakin anak mo nen say siak? Akin et aabuloyan mo ran mampatabad sikaran dili diad pangakan dad saray sankaabigan a parti na amin a bagat ya isasaklang ed siak na saray totook?

1 Samuel 3:10

Sinmabi so Katawan tan nanalagey diman, tan tinawag to a singa impanawag to nen inmona, “Samuel! Samuel!” Inmebat si Samuel, “Mansalita ka; onderengel so aripen mo.”

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

1 Samuel 3:16

Tinawag nen Eli, “Samuel, anak ko!” Inmebat si Samuel, “Wadya ak.”

1 Samuel 8:1

Nen masiken lay Samuel, impagmaliw ton huis ed Israel iray lalaki anak to.

1 Samuel 8:20

pian singa kami saray arum a bansa, a walay dilin ari mi a manoley ed sikami, tan mangipangulod sikami a mibakal.”

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.

1 Samuel 8:5

tan kuandad sikato, “Masiken ka la, tan saray anak mo et ag da ka aaligen. Kanyan sirin, manuro ka na ari a manoley ed sikami, pian wala met so ari mi, a singa saray arum a bansa.”