1 Samuel 12:19 - Maung A Balita Biblia

¹⁹ inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

Maung a Balita Biblia

¹⁹ inkuandad kinen Samuel, Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.

1 Samuel 12:19 Iomraidhean Croise

Genesis 20:7

Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

Say Libro nen Job 37:13

Ipepelag na Dios so oran a panalog ed dalin; nayarin ipepelag to a panusa tod katoowan, odino pangipanengneng tod sikara na panangaro to.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Exodo 10:17

Pirdona yo ak pan maminsan labat ni ed sayan kasalanan ko tan pikasi yod Katawan a Dios yo a paandien to lad siak yan makapatey a dusa.”

Exodo 32:30

Diad ontombuk ya agew si Moises kuantod saray katoowan, “Ambelat a tuloy so kasalanan a ginawa yo. Balet onkalab ak lamet ed palandey ta laen koy Katawan; angangko nagamuran koy pakapirdona na kasalanan yo.”

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Isaias 26:16

Dinusam iray totoom, Katawan, tan diad paniirap da nampikasi rad sika.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 27:18

No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari.” (

Jeremias 37:3

Si Ari Sedekias imbaki tod siak si Jucal a lakin anak nen Selemias tan say pari a si Sofonias a lakin anak nen Maasias, ta kerewen dan ipikasik ed Katawan a Dios tayo so bansa.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Malakias 1:9

Natan sikayo ran papari, kerew yo pad Dios a kasian to itayo. Ag to ebatan so pikakasi yo, et sikayo lamlamang so natetel.

Saray Bilang 21:7

Sinmingger ed kinen Moises iray totoo tan kuanda, “Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg.” Kanyan impikasi nen Moises iray totoo.

Saray Gawgawa 8:24

Inkuanen Simon ed kindi Pedro tan Juan, “Ipikasi yo ak pa sirin ed Katawan, pian anggapod saray imbaga yo so nagawad siak.”

Santiago 5:15

Say pikakasin katekep toy pananisia paabigen toy mansasakit, pabiskegey Katawan, tan napirdona ray kasalanan to.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

1 Samuel 12:13

“Nia natan so arin pinili yo; kinerew yo, et natan inter lad sikayo na Katawan.

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 12:20

“Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 7:5

Insan inkuanen Samuel ed amin da ray Israelita, “Mantitipon kayod Mizpa, tan ipikasi ta kayod man ed Katawan.”

1 Samuel 7:8

tan inkuandad kinen Samuel, “Ituloy moy mampikasid Katawan a Dios tayo, pian iyagel to itayod saray Filisteo.”

1 Samuel 8:6

Naermenan si Samuel ed sayan inkerew da na sakey ya ari; kanyan nampikasid Katawan,