1 Samuel 12:17 - Maung A Balita Biblia

¹⁷ Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

Maung a Balita Biblia

¹⁷ Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.

1 Samuel 12:17 Iomraidhean Croise

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Exodo 32:30

Diad ontombuk ya agew si Moises kuantod saray katoowan, “Ambelat a tuloy so kasalanan a ginawa yo. Balet onkalab ak lamet ed palandey ta laen koy Katawan; angangko nagamuran koy pakapirdona na kasalanan yo.”

Probirbio 26:1

Say dayew et aliwan manepeg ed toon makulang-kulang, a singa say yilo no tiagew odino say oran no panagani.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

1 Samuel 12:13

“Nia natan so arin pinili yo; kinerew yo, et natan inter lad sikayo na Katawan.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

1 Samuel 7:5

Insan inkuanen Samuel ed amin da ray Israelita, “Mantitipon kayod Mizpa, tan ipikasi ta kayod man ed Katawan.”

1 Samuel 8:6

Naermenan si Samuel ed sayan inkerew da na sakey ya ari; kanyan nampikasid Katawan,

1 Samuel 8:7

et inkuan na Katawan, “Onur mon amin so ibagay totoo ed sika. Aliwan sikay impolisay da; siak so impolisay da ya ari ra.