1 Samuel 12:13 - Maung A Balita Biblia

¹³ “Nia natan so arin pinili yo; kinerew yo, et natan inter lad sikayo na Katawan.

Maung a Balita Biblia

¹³ Nia natan so arin pinili yo; kinerew yo, et natan inter lad sikayo na Katawan.

1 Samuel 12:13 Iomraidhean Croise

Oseas 13:11

Diad gaway pasnuk ko initdan ta kayo na saray arari, tan diad mapalalon pasnuk ko ineekal ko ra.

Saray Gawgawa 13:21

Nen kinmerew iray ari, initdan na Dios iray sakey a lakin nanlapud boleg nen Benjamin—si Saul ya anak nen Kis. Nanoley si Ari Saul ed loob na apataploy taon.

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

1 Samuel 11:15

Linma ra sirin ya amin ed Gilgal, tan diad masanton pasen imbawag dan ari si Saul. Angisaklang ira na saray bagat a para kareenan, tan nanliket na baleg ed sayan agawa si Saul tan amin da ray totood Israel.

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 8:5

tan kuandad sikato, “Masiken ka la, tan saray anak mo et ag da ka aaligen. Kanyan sirin, manuro ka na ari a manoley ed sikami, pian wala met so ari mi, a singa saray arum a bansa.”

1 Samuel 9:20

No nipaakar ed saray asno a taloy agew la ran abalang, ag yo la ra pampapagaan; nalmo la ra. Balet siopay pampilpilalekan na saray totood Israel? Sika—sika tan say pamilya na amam.”