1 Samuel 12:10 - Maung A Balita Biblia

¹⁰ Insan kinmerew iray tulong ed Katawan tan kuanda, ‘Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran mi ka!’

Maung a Balita Biblia

¹⁰ Insan kinmerew iray tulong ed Katawan tan kuanda, Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran, mi ka!

1 Samuel 12:10 Iomraidhean Croise

Saray Salmo 106:44

Anggaman ontan, dinengel iray Dios nen tinmawag ira, tan inimano toy kairapan da.

Isaias 26:16

Dinusam iray totoom, Katawan, tan diad paniirap da nampikasi rad sika.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Josue 13:31

Sakop met na dalin da so kapalduay Galaad, pati say Astarot tan Edrei, saray manonan siudad na nanarian nen Og diad Basan. Sikara ya so niiter ed kapaldua na saray pamilya a say sengeg da et si Makir a lakin anak nen Manases.

Saray Huis 10:10

Insan tinmawag ed Katawan iray Israelita tan inkuanda, “Nankasalanan kamid sika, ta inkaindan mi ka, O Dios mi, insan kami angigagalang ed saray Baal.”

Saray Huis 2:11

Insan nankasalanan ed Katawan iray totood Israel tan nanlingkur ira ed saray Baal.

Saray Huis 2:13

Tinondaan day angigalang ed Katawan tan nanlilingkur ira ed saray Baal tan Astarot.

Saray Huis 3:15

Insan tinmawag ed Katawan iray Israelita, kanyan angibaki na sakey a too ya angyagel ed sikara. Sayan too et si Aod a lakin anak nen Gera tan kabyangay tribu nen Benjamin. Kawigi yan too. Imbaki na saray Israelita si Aod ed Moab tan sankaawit to ray rigalon para si Ari Eglon.

Saray Huis 3:7

Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

Saray Huis 3:9

Insan tinmawag ed Katawan iray Israelita, et angibaki na sakey a lakin angilaban ed sikara. Sayan laki et si Otniel ya anak nen Kenaz a yogtan nen Caleb.

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.

Saray Huis 6:7

Insan kinmerew na tulong ed Katawan iray Israelita, pian makalaban irad saray Madianita.

1 Samuel 7:2

Abayag a walad siudad na Kiryat-jearim so Kaban na Sipanan na Katawan, sakey a duamplon taon. Diad loob to yan panaon, amin ya Israelita et kinmekerew iray tulong na Katawan.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)