1 Samuel 11:7 - Maung A Balita Biblia

⁷ Angalay duaran baka, pinatas to, tan impailiber tod intiron dalin na Israel tan impaibaga to, “Siopamay ag milad kinen Saul tan si Samuel a mibakal, onyay nagawad saray baka to!” Saray totood Israel tinmakot irad Katawan, kanyan akila ran amin ed bakal.

Maung a Balita Biblia

⁷ Angalay duaran baka, pinatas to, tan impailiber tod intiron dalin na Israel tan impaibaga to, Siopamay ag milad kinen Saul tan si Samuel a mibakal, onyay nagawad saray baka to! Saray totood Israel tinmakot irad Katawan, kanyan akila ran amin ed bakal.

1 Samuel 11:7 Iomraidhean Croise

Genesis 35:5

Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

2 Saray Awaran 14:14

Insan da dinederal iray siudad a walad kaliber-liber na Gerar, lapud ataktakot ed Katawan iray totood man. Sinasamsaman da ra yan siudad tan amayamay so nala ra.

2 Saray Awaran 17:10

Say Katawan pinatakot ton mibakal ed kinen Josafat ya amin iray nanarian a walad kaliber-liber na Juda.

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

Isaias 8:13

Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Saray Huis 19:29

Kasabi tod abung to, angalay yuron baleg. Inala to may bangkay na asawa to, impankalabindua ton tegteg tan impaiyakar to so sakey a tegteg ed kapag tribu na Israel.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.