1 Samuel 10:3 - Maung A Balita Biblia

³ Ituloy moy kurang mo ya anggad pakasabim ed masanton kiew diad Tabor, a dimay pakaabetan mod taloran lalaki ya onlad Betel a diman ira mangisaklang na bagat ed Dios. Igagayugoy na sakey ed sikara so taloran kanding, sankaawit na sakey so taloran tinapay, tan sankaawit na kumatlo so katat a pananginan a napnoy alak.

Maung a Balita Biblia

³ Ituloy moy kurang mo ya anggad pakasabim ed masanton kiew diad Tabor, a dimay pakaabetan mod taloran lalaki ya onlad Betel a diman ira mangisaklang na bagat ed Dios. Igagayugoy na sakey ed sikara so taloran kanding, sankaawit na sakey so taloran tinapay, tan sankaawit na kumatlo so katat a pananginan a napnoy alak.

1 Samuel 10:3 Iomraidhean Croise

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.”

Genesis 35:1

Inkuan na Dios ed kinen Jacob, “Lakan tampol ed Betel tan manayam kad man. Manggawa kad may altar a para siak a Dios a pinmayawar ed sika nen ibabatikan moy agim ya Esau.”

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Jeremias 32:8

Insan, onung na imbagay Katawan, linmad siak si kapinsan kon Hanamel diad patio na palasioy ari tan kinerew tod siak, ‘Saliw mo pa la may alog ko ed Anatot a sakop na dalin na Benjamin. Sikay sankaasinggeran a kanayon ko, tan walay kanepegan mon manaliw tan mangayaryan ed saman ya alog. Saliw mo pa la.’ Akabatan ko lad saman ya ingganggan ak na Katawan a gawaen ko ya.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 23:13

Katekep to ya, mangyapay kayo na sakey tan kapalduan kilon arina ya inkames ed larak na oliba a sikatoy bagat a popoolan. Say balingit na sayan bagat et makapaliket ed Katawan. Mangisaklang kayo met na sakey litron alak.

Levitico 3:12

No say sakey a too et mangibagat na kanding,

Levitico 3:6

No sakey a karniro odino sakey a kanding so ibagat a para kareenan, nayarin sakey a kalakyan odino kabatyan, balet nepeg ya anggapoy deral na laman to.

Levitico 7:13

Mangyapay met ni na saray tinapay a walay libadura.

Josue 19:12

Manlapud biek a dapag na Sarid ontuloy ed bokig ya anggad ketegan na Kislot-tabor, insan ontuloy ed Daberat tan mampaatagey ed Jafia.

Josue 19:22

Nasabi na ketegan da so Tabor, Sahazuma, tan Bet-semes, insan mansamput ed Jordan. Sakop to so labinanem a siudad a pati saray baley ed kaliber-liber da.

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

Saray Huis 20:27

Diad saraman ya agew wadman ed Betel imay Kaban na Sipanan na Dios, tan si Finees a lakin anak nen Eleazar tan apo nen Aaron so makaoley ed samay Kaban. Tinepet na saray totoo ed Katawan, “Onla kami lamet a mibakal ed saray agagi min Benjaminita, odino ontonda kami la?” Inmebat so Katawan, “Mibakal kayo, et nabwas panaloen ta kayod sikara.”

Saray Huis 4:12

Nen akabatan nen Sisara a linmay Barac ed Palandey na Tabor,

Saray Huis 4:6

Aminsan ya agew impaawit toy Barac a lakin anak nen Abinoam a taga siudad na Kedes na Neftali tan kuantod sikato, “Say Katawan a Dios na Israel et inter tod sika yan ganggan: ‘Mangala kay samplon libon lalaki ed saray tribu di Neftali tan Zabulon tan ipangulom iran onlad Palandey na Tabor.

Saray Huis 8:18

Insan tinepet nen Gedeon ed kindi Zeba tan Zalmuna, “Kawalaan da ra may lalakin pinatey yod Tabor?” Inmebat ira, “Kaparparam ira—balang sakey ed sikara et singa ra anak na ari.”

1 Samuel 10:4

Ilugay da ka tan itdan da kay duaran tinapay; awat mo ra.