1 Samuel 10:25 - Maung A Balita Biblia

²⁵ Impaliwawa nen Samuel ed saray totoo iray kanepegan tan saray kimey na sakey ya ari, insulat to rad sakey a libro, tan insinup to ed sakey a masanton pasen. Insan to la pinasempet iray totoo ed kaabungan da.

Maung a Balita Biblia

²⁵ Impaliwawa nen Samuel ed saray totoo iray kanepegan tan saray kimey na sakey ya ari, insulat to rad sakey a libro, tan insinup to ed sakey a masanton pasen. Insan to la pinasempet iray totoo ed kaabungan da.

1 Samuel 10:25 Iomraidhean Croise

2 Saray Arari 11:17

Si Joiada impisipanan tod Katawan so ari tan saray totoo a sikaray totoo na Katawan; impansipanan to met so ari tan saray totoo.

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

1 Timoteo 2:2

Ontan met komun so nagawa para saray arari tan amin da ray manoley, pian makapambilay itayon anggapoy golo tan mareen, walay nagnap a kinasanto tan kasimpitan.

Tito 3:1

Ipanunot mod saray totoom a paoleyan irad saray manoley tan saray walay betang, onuren da ra, tan sipaparaan iran manggaway kamaungan.

Josue 22:6

Pinasempet ira nen Josue kayari to ran binindisionan tan binilin: “Mayamyaman kayon onsempet; amayamay iray ayayep, pilak, balituk, gansa, balatyang tan kawes yo. Pinabang yo ray katribuwan yo na saray asamsam yod saray kalaban yo.” Insan la ra sinmempet. Si Moises inter to so dalin a walad bokig na Jordan ed kapalduay tribu nen Manases, balet si Josue inter tod kapaldua na sayan tribu tan diad saray arum a tribu so dalin a walad sagur na Jordan.

1 Samuel 11:14

Inkuanen Samuel ed sikara, “Onla itayod Gilgal tan oliten tayon ibawag ya ari tayo si Saul.”

1 Samuel 8:9

Onur mo ra sirin, balet itdan mo ray mapeget a pasakbay tan ipaliwawam no panoy panoley na ari ed sikara.”