1 Samuel 10:22 - Maung A Balita Biblia

²² tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

Maung a Balita Biblia

²² tinepet dad Katawan, Wala niy arum? Inmebat so Katawan, Wadmay Saul, onaamut ed kawalaay abasto.

1 Samuel 10:22 Iomraidhean Croise

Genesis 25:22

Lasun so lokun to, tan kasakbayan a nananak manlalaban la ran duad dalem na eges to. Inkuanto, “Akin et onyay nagagawad siak?” Tinepet to sirin ed Katawan no akin et onmay agawad sikato.

2 Samuel 2:1

Kayari to ya, tinepet nen David ed Katawan, “Onla ak a manakop ed sakey ed saray baley na Juda?” “On,” ebat na Katawan. “Dinan ey?” tepet nen David. “Say Hebron,” kuay Katawan.

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

1 Samuel 10:21

Insan lamet pinarago nen Samuel iray pamilyad tribu nen Benjamin, et say pamilya nen Matri so apili. Insan dinmago ray lalakid pamilya nen Matri et si Saul ya anak nen Cis so apili. Inanap da, baleg nen ag da narumog,

1 Samuel 14:37

Kanyan tinepet nen Saul ed Dios, “Dogpaan ko ra kasiy Filisteo? Panaloen mo kami kasi ed sikara?” Balet ag inmebat so Dios ed saman ya agew.

1 Samuel 15:17

Inmebat si Samuel, “Anggaman ya ipapasen moy sikan dili ya abeba, sikay pangulo da ray tribu ed Israel. Say Katawan nilanaan to kan manari ed Israel,

1 Samuel 22:10

Tinepet nen Ahimelec ed KATAWAN no antoy nepeg a gawaen nen David, insan initdan toy nakan tan inter to may ispada nen Goliat a Filisteo.”

1 Samuel 23:9

Nen nadngelan nen David a getma nen Saul a dogpaan, inkuantod kinen Abiatar a pari, “Iyakar mo dia may ipod.”

1 Samuel 30:7

Inkuanen David ed kinen Abiatar a pari tan lakin anak nen Ahimelec, “Iyakar mo dia may ipod,” et inyakar nen Abiatar ed sikato.

1 Samuel 30:8

Tinepet nen David ed Katawan, “Osilan ko ray dinmogpa? Naabot ko ni ra kasi?” Inmebat so Katawan, “Osilan mo ra: andi-duaruwan naabot mo ra tan nabawim iray adakep.”

1 Samuel 9:21

Inmebat si Saul, “Kabyangan ak na tribu nen Benjamin, say sankamelagan a tribu ed Israel, tan say pamilyak et sankamugmoan ed tribu. Akin, sirin, et onyay ibabagam ed siak?”