1 Samuel 1:3 - Maung A Balita Biblia

³ Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.

Maung a Balita Biblia

³ Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.

1 Samuel 1:3 Iomraidhean Croise

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

Exodo 23:14

“Diad loob na sakey taon mamitlo kayon mampista a pamagalang ed siak.

Exodo 23:17

Kapag taon diad sarayan taloran pista amin da ray lalaki ed sikayo et nepeg ya ondagon mangigalang ed siak a Katawan a Dios yo.

Exodo 34:23

“Diad loob na sakey taon amin da ray lalaki ed sikayo et nepeg a mamitlo ran ondago a mangigalang ed siak a Katawan, say Dios na Israel.

Lucas 2:41

Tinaon-taon, kapag Pistay Paskua, oonlad Jerusalem iray atateng nen Jesus.

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Saray Huis 18:31

Nansiansian wadman imay talintao nen Micaya legan a walad Silo so Tulda a panangigalangan ed Dios.

Saray Huis 21:19

Insan anunotan da ya asingger lan onsabi manaya so tinaon a pista na Katawan ed Silo. (Walad baybay na Betel so Silo, abalaten na Lebona, tan bokig na dalan a nanleetan na Betel tan Sikem.)

1 Samuel 1:21

Sinmabi lamet so panaon ya iyakar ed Silo nen Elcana tan say pamilya to a mangisaklang na tinaon a bagat tan say nidoma-doman bagat ya insipan to.

1 Samuel 1:9

Aminsan diad Silo, kayari ran angan ed loob na abung na Katawan, inmalagey si Ana. Maerermen si Ana tan mannangnangis na ampaipait legan ton mampipikasid Katawan. Diad sayan bekta manyodyurong ed abay na puirta si Eli a pari.

1 Samuel 14:3

(Say parin akasolung na ipod et si Ahias, say lakin anak na agi nen Icabod a si Ahitob, a lakin anak nen Finees tan apo nen Eli a pari na Katawan diad Silo.) Anggapoy makaamta a tinmaynan si Jonatan.

1 Samuel 2:19

Tinaon ya igawaan nen ina to na melag a kawes tan awit ton iter ed sikato no olupen toy asawa ton mangisaklang na tinaon a bagat.

1 Samuel 2:34

No saray duaran lalakin anak mo a di Ofni tan Finees et ompatey irad saksakey ya agew, mangipanengneng yad sika ya ontua ray amin ya imbagak.

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

1 Samuel 4:11

Asamsam so Kaban na Sipanan na Katawan, tan inatey ira di Ofni tan Finees a lalakin anak nen Eli.

1 Samuel 4:4

Kanyan angibaki ray pigaran totoo ed Silo tan inala ra may Kaban na Sipanan na Katawan a Makapanyarin-amin, a walad trono diad tagey na saray kiruben. Inolup na saray lalakin anak nen Eli, a di Ofni tan Finees, so Kaban na Sipanan.