1 Samuel 1:19 - Maung A Balita Biblia

¹⁹ Kaimbuas binmangon a masakbay si Elcana tan say pamilya to, inggalang day Katawan, insan ira amawil ed Rama. Inakdulan nen Elcana si asawa ton Ana et inebatan na Katawan so pikakasi nen Ana.

Maung a Balita Biblia

¹⁹ Kaimbuas binmangon a masakbay si Elcana tan say pamilya to, inggalang day Katawan, insan ira amawil ed Rama. Inakdulan nen Elcana si asawa ton Ana et inebatan na Katawan so pikakasi nen Ana.

1 Samuel 1:19 Iomraidhean Croise

Genesis 21:1

Binindisionan na Katawan si Sara, onung na insipan to.

Genesis 30:22

Anunotan na Dios si Raquel; inebatan toy pikakasi to, kanyan inyabuloy ton makaanak.

Genesis 4:1

Inakdulan nen Adan si Eva ya asawa to. Nanlokun si Eva tan nananak na sakey a laki. “Diad tulong na Katawan,” kuanen Eva, “akaanak ak na sakey a laki.” Kanyan inngaran to na Cain imay ogaw.

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

2 Saray Arari 4:17

Balet, onung na imbaga nen Eliseo, nananak na sakey a laki may bii kayari na ngalngalin sakey taon.

Saray Salmo 119:147

Palbangon ni, ontatawag ak lan patulongan ed sika; maniilalo ak ed sipan mo.

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Saray Salmo 55:17

Kabwasan, kaagwan, tan labi so panririklamo tan paney-ey kod sikato, et dengelen toy bosis ko.

Marcos 1:35

Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

Lucas 23:42

Insan inkuantod kinen Jesus, “Nunot mo ak, Jesus, no kasabim ed Panarian mo!”

Josue 18:25

Siudad da met iray onggendan: Gabaon, Rama, Beerot,

1 Samuel 1:1

Walay sakey a lakin manngaray Elcana, a taga baley na Rama diad nipokdul a dalin na Efraim. Kabyangay tribu nen Efraim, anak nen Jeroham tan apo nen Eliu, a kabyangay pamilya nen Tohu, a kabyangay boleg nen Zuf.

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

1 Samuel 15:34

Insan linma lay Samuel ed Rama, tan sinmempet lay Ari Saul ed Gabaa.

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

1 Samuel 19:18

Batik si David tan linmad kinen Samuel diad Rama tan imbaga toy amin a ginagawa nen Saul ed sikato. Insan linma ra nen Samuel ed Nayot tan nanayam irad man.

1 Samuel 2:11

Insan sinmempet ed Rama si Elcana, balet nanayam ed Silo si ogaw a Samuel tan nanlingkur ed Katawan diad silong na panangiwanwan nen Eli a pari.

1 Samuel 25:1

Inatey si Samuel, kanyan nantitipon iray amin ya Israelita tan nanermen ira lapud sikato. Insan impompon dad abung to diad Rama. Kayari to ya, tinmaynan si David tan linmad kalawakan na Paran.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.

1 Samuel 8:4

Lapud saya, amin da ray pangulo na Israel nantitipon ira, linma ran nanoolup ed kinen Samuel diad Rama,

1 Samuel 9:26

tan diman inmogip. Diad palbangon, tinawag nen Samuel si Saul a walad toktok na abung. “Bangon ka la, ta papawilen ta ka la.” Binmangon si Saul, tan linma ran dua nen Samuel ed dalan.