1 Samuel 1:18 - Maung A Balita Biblia

¹⁸ “Maabig lawas komun so linawa yod siak,” ebat nen Ana. Tinmaynan la, angan, tan nakal lay ermen to.

Maung a Balita Biblia

¹⁸ Maabig lawas komun so linawa yod siak, ebat nen Ana. Tinmaynan la, angan, tan nakal lay ermen to.

1 Samuel 1:18 Iomraidhean Croise

Genesis 32:5

Wala ray bakak, asno, kanding, karniro, tan aripen ko. Imbakik ed sika ra yan totoo, ta labay koy mipulangan ed sika.”

Genesis 32:6

Nen pinmawil ed kinen Jacob ira may imbaki to, inkuanda, “Linma kamid kinen agim ya Esau, tan wala lad dalan a mangabet ed sika. Kaiba toy apat a lasus a lalaki.”

Genesis 33:15

Inkuanen Esau, “No ontan sirin, mangitilak ak ed sika na pigaran totook.” Balet inkuanen Jacob, “Andi-bali la tan; masarag lay impamirdonam ed siak.”

Genesis 33:8

Tinepet nen Esau, “Antoy kabaliksan da ra may onaan a nabet ko?” Inmebat si Jacob, “Rigalok ira man ed sika, ta labay koy mipulangan ed sika.”

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Ruth 2:13

Inkuanen Ruth, “Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.”

Ruth 2:2

Aminsan ya agew inkuanen Ruth a Moabita ed kinen Noemi, “Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato.” Inmebat si Noemi, “On, anak ko, laka.”