1 Pedro 5:5 - Maung A Balita Biblia

⁵ Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Maung a Balita Biblia

⁵ Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, Say Dios sumlang ed toon mapaatagey, balet inaro toy toon mapaabeba.

1 Pedro 5:5 Iomraidhean Croise

2 Saray Awaran 6:41

Alagey ka, Katawan a Dios, insan ka onloob ed Timplo a kaibam so Kaban na Sipanan a tanda na pakayarim, tan manayam ka dia ed ando lan ando. Bindisionan mo pa ray paparim ed amin a gawaen da, tan manliket komun iray totoom lapud kaabigan mo ed sikara.

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Say Libro nen Job 29:14

Ginawak lawas so anggaay nayarian ko a manumpal na kaptekan tan katunongan.

Saray Salmo 132:16

Bindisionan ko ray papari to diad amin a gawaen da, tan mankanta tan oneyag iray totoo to lapud liket da.

Saray Salmo 132:9

Gawaen lawas komun na saray paparim so inkatonung; oneyag komud liket iray totoom!

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Probirbio 25:7

Magmaung nin nakerew ed sika ya onatagey kad kipapasen mo nen say nibagad sika ya iter moy kipapasen mo ed sakey a toon matalona nen sika.

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Ezekiel 26:16

Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.

Levitico 19:32

“Itdan yoy lugar iray mamatakken tan igalang yo ra. Takotan yo ak a Katawan a Dios.

Lucas 22:26

Balet aliwa kayon ontan. Say manona ed sikayo nepeg to ingey magmaliw a singa sikatoy yogtan; tan say pangulo nepeg a magmaliw a singa sikatoy managlingkur.

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

TAGA-EFESO 5:21

Manoonuran kayo ta sikato yay pakanengnengan na pangigagalang yod Cristo.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

1 Timoteo 5:1

Ag mo pampapasnukay toon matakken nen sika, no ag ingen pitongtongan mo a singa amam. Ipasen mon singa agagim iray lalakin tubon-balo.

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.

1 Pedro 4:5

Balet ebatan da ya ed Dios ya akaparaan a manintinsiad saray mabilay tan saray inatey.