1 Pedro 3:15 - Maung A Balita Biblia

¹⁵ Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

Maung a Balita Biblia

¹⁵ Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

1 Pedro 3:15 Iomraidhean Croise

Saray Salmo 119:46

Ibawag kod saray arari iray ganggan mo, et ag ak ombaing.

Probirbio 15:28

Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.

Probirbio 22:21

tan ibangat dad sika no anto so peteg a katwaan. Diad ontan, niiter moy tuan ebat ed saray mangibakid sika.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Isaias 41:21

Say Katawan ya ari na Israel kuanto: “Sikayo ran diriyos na bansa, iparontal yoy riklamo yo. Ipaway yo la ray sankaabigan a paneknek yo!

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Isaias 8:12

“Ag ka mibibiang ed pankokomplut da ray totoo tan ag ka ontatakot ed tatakotan da.

Saray Bilang 20:12

Balet nanpasnukan na Katawan ira di Moises tan Aaron. Inkuanto, “Lapud kulang so pananisia yon mamirbir na masanton pakayarik diad arap na saray totood Israel, aliwan sikayoy mangipangulod sikara diad iloob dad dalin ya insipan kon iter ed sikara.”

Saray Bilang 27:14

lapud sinumlang yon dua so ganggan ko diad kalawakan na Zin. Nen nanriklamon amin iray Israelita sumpad siak diad Meriba, ag yo binirbir so masanton pakayarik ed arap da.” (Say Meriba et sikatoy sobul dimad Cades diad kalawakan na Zin).

Saray Gawgawa 21:39

Inmebat si Pablo, “Sakey ak a Judio, nianak ak ed Tarso ed Cilicia. Sakey ak a mibabaley na matalonggaring a siudad. Ipangasim a pansalitaen mo ak ed saray totoo.”

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

COLOSAS 1:23

Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

COLOSAS 1:5

Nen sinmabin inmonad sikayoy katwaan na Maung a Balita, nadngel yoy ilalon iter to. Kanyan say pananisia tan panangaro yo niletneg ed ilalo yon nagamuran iray bengatlan niparaan para sikayo diad tawen.

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Saray Hebreo 6:1

Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

1 Pedro 3:2

ta nanengneng da lay masimpit tan malinis a kabibilay yo.

1 Pedro 3:4

Say ganggana yo et nepeg a walad peteg ya inkatoo yon niamut ed puso yo, say ag onkupas a ganggana a katekep toy maoyamo tan mareen ya ogali. Sikato yay mabmabli ed matay Dios.

1 Samuel 12:7

Alagey kayo natan ed kawalaan yo, tan akusaen ta kayod arap na Katawan. Ipanunot kod sikayoy amin a pakelaw a ginagaway Katawan diad impangilaban tod sikayo tan saray lalaki yo.