1 Pedro 2:17 - Maung A Balita Biblia

¹⁷ Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

Maung a Balita Biblia

¹⁷ Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

1 Pedro 2:17 Iomraidhean Croise

Genesis 20:11

Inmebat si Abraham, “Abaloan kon anggapo diay ontatakot ed Dios, kanyan apagaan ak ta ompan pateyen da ak pian naala ray asawak.

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

Genesis 42:18

Diad kumatlon agew, inkuanen Jose ed sikara, “Sakey ak a toon walay takot tod Dios, kanyan ag ta kayo papatey no gawaen yoy ibagak.

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 23:17

Ag mo iibegan iray totoon makasalanan; igalang mo lawas so Katawan.

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Ecclesiastes 8:2

Onur mo ray ganggan na ari, tan ag ka bengatbengat mansisipan ed Dios.

Levitico 19:32

“Itdan yoy lugar iray mamatakken tan igalang yo ra. Takotan yo ak a Katawan a Dios.

Zacarias 11:14

Insan ko pinoter imay sakey nin bastun, samay tatawagen na “Pankakasakey,” et naandi so pankakasakey na Juda tan Israel.

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

Juan 13:35

No manaarowan kayo, naamtaay amin a totoo a sikayo ray disipulok.”

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Saray Taga Roma 13:7

Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

TAGA-EFESO 5:21

Manoonuran kayo ta sikato yay pakanengnengan na pangigagalang yod Cristo.

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

1 Timoteo 6:1

Kaukolan a saray aripen ipasen da a saray amo ra et manepeg iran mangawat na amin a kagalangan, pian anggan siopa anggapoy nibaga ton maoges sumlang ed ngaray Dios tan say bangat tayo.

Saray Hebreo 13:1

Ituloy yoy panaarowan yon sanaagi ed Cristo.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

1 Pedro 2:13

Lapud Katawan, toluk kayod saray manoley: diad Impirador a sikatoy sankatageyan a manoley,

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

1 Samuel 15:30

“Nankasalanan ak,” ebat nen Saul. “Balet pagalangan mo ak pa ni labat diad arap da ray pangulo na totook tan amin a totood Israel. Mila kad siak pian nigalang koy Katawan a Dios mo.”