1 Pedro 1:3 - Maung A Balita Biblia

³ Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

Maung a Balita Biblia

³ Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Pedro 1:3 Iomraidhean Croise

1 Saray Arari 8:15

Inkuanto, “Nagalang komun so Katawan a Dios na Israel! Sinumpal toy sipan tod amak a David, nen inkuantod sikato,

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

2 Saray Awaran 31:8

Nen anengneng nen Ari Ezekias tan saray opisyal to so karakel na niiter, inggalang day Katawan tan intanduro da ray totoo ton Israelita.

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.

Isaias 26:19

Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Saray Taga Roma 12:12

Manliket kid paniilalo yo, mananos kayod saray kairapan yo, tan mampikasi kayo lawas.

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

Saray Taga Roma 5:10

Kabosul itayoy Dios nen saman, balet natan kakaaro to ti la diad panamegley na impatey na Anak to. Natan ta kakaaro itayo lay Dios, lalon andi-saew a nilaban itayo diad panamegley na bilay nen Cristo!

Saray Taga Roma 8:11

No manayam ed sikayo so Ispiritu na Dios ya amaolid bilay ed kinen Jesus, say Dios ya amaolid Cristo so mangiter met na bilay ed saray ompatey a laman yo, diad panamegley na Ispiritu a manaayam ed sikayo.

Saray Taga Roma 8:24

Lapud ilalo nilaban iti la. No nanenengneng tiy iilaloan tayo, aliwan petepeteg ya ilalo. Siopay manilalo nid nanenengneng to la?

1 CORINTO 13:13

Mansiansia ra yan talo: say pananisia, ilalo, tan aro; balet say aro so sankabalgan ed saraya.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

2 CORINTO 1:3

Igalang tayoy Dios tan Ama na Katawan tayon Jesu-Cristo, say mapangasin Ama tan Dios a panlalapway amin a ligliwa!

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesu-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

TAGA-EFESO 1:3

Nagalang komuy Dios tan Ama na Katawan tayon Jesu-Cristo, ta initdan to itayo na amin a maispiritun bindision ed katawenan, lapud pikakasakey tid Cristo.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 2:4

Balet ag nasabsabaan so panangasiy Dios tan ontan lay kabaleg na panangaro tod sikatayo.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

COLOSAS 1:23

Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

1 TESALONICA 4:13

Agagi, labay min naamtaan yoy katwaan nipaakar ed saray inaatey la, pian ag kayo manermen a singa saray anggapoy ilalo.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

1 Timoteo 1:14

Say Katawan inibung tod siak so ag nasabsabaan a bindision to tan initdan to ak na pananisia tan aro a walad sikatayo diad pikakasakey tid Cristo Jesus.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

1 Pedro 1:23

Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

1 Pedro 3:21

Sayan danum aliling toy binyag a mangilaban ed sikayo natan. Say binyag et aliwan panlinis na dotak na laman, no ag ingen say sipan ed Dios a nanlapud sakey a malinis a konsinsia. Ilaban kayoy binyag diad panamegley na inkiolid bilay nen Jesu-Cristo,

1 Pedro 3:5

Nen inmonan panaon, saray bibiin masimpit tan masanto et onyay impamaganggana rad sikaran dili: nanilalo rad Dios tan impaoleyan irad kaasawaan da.

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

1 Juan 3:3

Balang sakey a wala yan ilalo tod Cristo linisan toy panagbilay to, a singa si Cristo et malinis.

1 Juan 3:9

Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

1 Juan 4:7

Inararo, manaarowan itayo, ta say aro manlalapud Dios. Siopamay mangaaro et anak na Dios tan kabat toy Dios.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

1 Juan 5:4

ta balang sakey ya anak na Dios nayarian ton taloen so sankamundoan. Say panatalo tayod sankamundoan et say pananisia tayo.