1 Pedro 1:24 - Maung A Balita Biblia

²⁴ Onung na ibabagay Masanton Sulat, “Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

Maung a Balita Biblia

²⁴ Onung na ibabagay Masanton Sulat, Amin a too singa ra dika, amin a kagalangan da singa ra rosas na dika. Namagaay dika, tan say rosas nalaylay met la,

1 Pedro 1:24 Iomraidhean Croise

2 Saray Arari 19:26

Anggapoy agawaan na saray totoon manaayam diman. Ataktakot ira tan akatanga ran nikelawan. Nagmaliw iran singa dikad alog odino dikan tinmubod toktok na abung ya alenes ira diad insiplug ed sikara na ampetapetang a dagem.

Say Libro nen Job 14:2

Ombaleg, ombuskag tan nalaylay a singa saray rosas; naandipat a singa saray anino.

Saray Salmo 102:4

Nalelemay so pusok a singa dikan agatin-gatinan; anggapo lay ganas kon mangan.

Saray Salmo 103:15

Para sikatayon totoo, singa labat dika so bilay tayo. Ombabaleg tan ombobona itayon singa rosas a balang;

Saray Salmo 129:6

Magmaliw ira komun a singa saray dikan ontutubod toktok na abung, a namagaan ira kasakbayan na ibaleg da;

Saray Salmo 37:2

Ag mabayag naandipat iran singa karikaan a namamagaan; ompatey iran singa nalnes a mabunan tanaman.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Saray Salmo 90:5

Iyaagos mo kamin singa delap; magangganon singa kogip so bilay mi. Singa kami dikarikan ontutubod kabwasan,

Saray Salmo 92:7

a nayarin ombaleg a singa dikarika iray totoon maoges, tan onaligwas iray amin a managgaway kaogsan; anggaman ontan, sigput so kaderal da,

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Mateo 6:30

No say Dios so mangakawes ed saray karikaad kaalogan, a mabilay ira natan tan napoolan la ra nabwas, ag lalo kasin kawesan to kayo? Agaylay kapoy na pananisia yo!

Santiago 4:14

Ag yo anggan amtay kipapasey bilay yo nabwas! Say bilay singa kelpa, a wala natan balet nanagonuyan naandipat la.

1 Juan 2:17

Say mundo tan amin a bengatlan maoges a pampipilalekan na too et naandipat ira; balet say toon manggagaway linaway Dios mansiansia ya anggad angga.