1 Pedro 1:23 - Maung A Balita Biblia

²³ Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

Maung a Balita Biblia

²³ Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

1 Pedro 1:23 Iomraidhean Croise

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Levitico 11:37

No nadapoan day bokel ya itatanem, samay bokel mansiansian malinis.

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.

Mateo 24:35

Naandipat so tawen tan dalin, balet ag balut naandipat iray salitak.”

Lucas 8:11

“Sikato ya so kabaliksan na sayan alimbawa: say ilik so salitay Dios.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Juan 1:3

Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Juan 3:3

Inmebat si Jesus ed sikato, “Ibagak ed sikay katwaan: likud a nianak lamet so sakey a too, ag to nanengneng so Panariay Dios.”

Juan 3:5

“Ibagak ed sikay katwaan,” ebat nen Jesus, “no ag nianak ed danum tan Ispiritu so sakey a too, ag makaloob ed Panariay Dios.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Saray Taga Roma 1:23

Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

Saray Hebreo 4:12

Ta mabilay tan mabiskeg so salitay Dios. Matdem nen say anggan anton ispada a nantopag so tarem; talusen to so anggad pansiyanay kamarerwa tan ispiritu, anggad panabetay langolangowan tan otek na pokel. Sintinsiaan to ray kanunotan tan pilalek na saray katoowan.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

1 Pedro 1:25

balet say salitay Katawan anggan kapigan mansiansia.” Sikato yay Maung a Balitan nipulong ed sikayo.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Juan 3:9

Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.