1 Juan 3:23 - Maung A Balita Biblia

²³ Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

Maung a Balita Biblia

²³ Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

1 Juan 3:23 Iomraidhean Croise

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Mateo 22:39

Say kumadwa a manonan ganggan kaparpara to: ‘Arom so kaparam a too a singa panangarom ed sikan dili.’

Marcos 9:7

Walay lorem a linmesa tan tinarungan to ra. Insan walay bosis a nanlapud lorem a kuanto, “Sikato yay inararok ya Anak—dengel kayod sikato!”

Juan 1:12

Balet inter tod amin ya angawat, saray amin ya anisiad sikato so pankanepegan a magmaliw ya anak na Dios.

Juan 13:34

Iter kod sikayoy sakey a balon ganggan: manaarowan kayo! Onung na impangarok ed sikayo, ontan met so panaarowan yo.

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Juan 15:12

Sikato yay ganggan ko: manaarowan kayo a singa panangarok ed sikayo.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 2:23

Nen Pistay Paskua, walad Jerusalem si Jesus. Dakel so anisiad sikato diad impakanengneng day makapakelaw iran milagro a ginagawa to.

Juan 3:18

Ag nadusa so manisiad Anak, balet asintinsiaan lan nadusa so ag manisia, lapud ag anisia ed ngaran na bogbogtung ya Anak na Dios.

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Saray Gawgawa 16:31

Inmebat ira, “Manisia kad Katawan a Jesus, et nilaban ka, sika tan say pamilyam.”

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

1 Timoteo 1:15

Niay sakey a katwaan a nepeg ya awaten tan sisiaen na amin: linma diad mundo si Cristo Jesus a mangilaban ed saray makasalanan. Siak so sankaogsan ed sikara,

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.

1 Juan 2:7

Inararo, sayan isusulat kon ganggan ed sikayo et aliwan balo, no ag ingen daan a ganggan a wala lad sikayo nanlapud gapo. Say daan a ganggan et say salitan nadngel yo la.

1 Juan 3:11

Say bangat a nadngel yon nanlapud gapo et saya: nepeg a manaarowan itayo.

1 Juan 4:15

Siopamay mangibagan si Jesus et Anak na Dios, manayam so Dios ed sikato tan sikatoy manayam ed Dios.

1 Juan 4:21

Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.

1 Juan 5:13

Isusulat ko yad sikayo, pian naamtaan yo a sikayon mananisia ed ngaran na Anak na Dios et walay bilay yon andi-anggaan.