1 Juan 3:13 - Maung A Balita Biblia

¹³ Kanyan ag kayo mankelaw, agagi, no bosulen kayoy sankamundoan.

Maung a Balita Biblia

¹³ Kanyan ag kayo mankelaw, agagi, no bosulen kayoy sankamundoan.

1 Juan 3:13 Iomraidhean Croise

Probirbio 29:27

Say toon matonung kabosul toy toon maoges, tan say toon maoges kabosul toy toon matonung.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Mateo 24:9

“Erelen da kayon pairapen, insan da kayo ni pateyen. Bosulen kayoy amin a totoo lapud siak.

Marcos 13:13

Bosulen kayoy amin a katoowan lapud siak. Balet nilaban so toon mansiansia ya anggad kasamputan.”

Lucas 21:17

Bosulen kayoy amin a katoowan lapud siak,

Lucas 6:22

“Maliket kayo no bosul-bosulen, ipolpolisay, pabpabaingan, tan pagpaogesen da kayo, lapud Anak na Too!

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Juan 17:14

Inter kod sikaray salitam, et binosul iray sankamundoan ta ag ira kayaryan na sankamundoan, a singa siak ya ag kayaryan na sankamundoan.

Juan 3:7

Ag ka mankelaw lapud imbagak ed sika, ‘Nakaukolan kayon nianak lamet.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Saray Gawgawa 3:12

Kanengneng nen Pedro ed saray totoo inkuanto, “Kaparak iran Israelita, akin et pankelawan yo yan agawa? Akin et ontan lay kanenengneng yod sikami? Say abaloan yo lagi, apaakar mi yan too lapud dilin pakapanyari o kasantosan mi.

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

2 Timoteo 3:12

Napairap ya amin iray malabay a mambilay a masanto diad itombuk dad Cristo Jesus.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

Puyan 17:7

“Akin et mankelaw ka?” tepet to may anghil ed siak. “Ibagak ed sikay niamut a kabaliksan na bii tan say niloganan ton ayep a pitoray olo to tan samploray saklur to.